दुबई प्रहरीसँग सहकार्य गर्दै नेपाली समुदायको विवरण संकलन गर्न थालियो

चैत २८, २०७६ शुक्रबार १९:३६:५० | उमाकान्त पाण्डे

यूएई – शुक्रबारदेखि दुबईमा रहेका नेपालीको अवस्थासहितको विवरण संकलन गर्न थालिएको छ । गैरआवसीय नेपाली संघ एनआरएन यूएईका उपाध्यक्ष पाशाङ शेर्पाको नेतृत्वमा दुबई क्षेत्रमा रहेका नेपालीको विवरण संकलन सुरु गरिएको हो ।

टोलीले त्यस क्षेत्रमा बसोबास गर्ने नेपालीहरुमा कोरोना भाइरसको सङ्क्रमण भए नभएको, दुबईले जारी गरेको सुरक्षा सतर्कता अपनाए नअपनाएकोबारे, औषधी उपचार पाए नपाएको लगायतका विवरण संकलन गरिरहेको छ ।

नेपालीहरु बस्दै आएका भवन नम्बरसहित पूर्ण विवरण संकलन गर्ने र दैनिक दुबई प्रहरीलाई प्रतिवेदन दिने उपाध्यक्ष पाशाङ शेर्पाले बताउनुभयो । टोलीमा एनआरएनए यूएईसँगै नेपाल आदिवासी जनजाति महासंघ ,नेपाल मगर संघ,शेर्पा किदुङका प्रतिनिधिहरु खटिएका छन् ।

आफैं सुरक्षित भएर कसरी काम गर्ने भन्नेबारे स्थानीय प्रसाशनले सामान्य प्रशिक्षण दिएपछि टोलीले शुक्रबार बिहानैदेखि काम थालेको हो ।

टोलीले कोही नेपाली गम्भीर समस्यामा परेको भए दुबई प्रहरीबाट सहयोगी नम्बर उपलब्ध गराएको भन्दै कोरोनाका कारण समस्या भए दुबईमा रहेकानेपालीले ०५२३८२४८३५ नम्बरमा सम्पर्क गर्न सक्ने जनाएको छ ।

याे पनि पढ्नुहाेस्

खाडी र मलेसियामा शुक्रबारकाे कोरोना अपडेट : सङ्क्रमितकाे सङ्ख्या १५ हजार नाघ्यो, मलेसियाले लकडाउनकाे अवधि थप्याे

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्