लकडाउन उल्लङ्घन गर्नेलाई एक घण्टा घाममा उभ्याएर ‘कोरोना कक्षा’

चैत ३०, २०७६ आइतबार १२:३१:३ | किरण लोहनी

गोरखा - जिल्ला प्रहरी कार्यालय गोरखाले लकडाउन उल्लङ्घन गर्नेलाई कोरोनाका बारेमा अभिमुखीकरण गराउन थालेको छ ।

आइतबारबाट प्रहरीले यस्तो कार्यक्रम सुरु गरेको हो । लकडाउनका बेला अत्यावश्यक बाहेक सवारी साधन चलाउने र कामबिना हिँडडुल गर्नेहरुलाई नियन्त्रणमा लिएर यस्तो कक्षामा सहभागी गराउन थालिएको हो ।

‘जाँडररक्सी खाएर गाडी चलाउनेलाई जस्तै क्लास लिन थालेका छौँ’, एसपी ओम अधिकारीले भन्नुभयो, ‘यसले कोरोना सङ्क्रमणबारे उहाँहरूलाई जानकारी पनि हुन्छ, अनि गल्ती गरिएछ भन्ने महसुस पनि हुने भैहाल्यो ।’

आइतबार बिहान आधा घण्टाको जाँचमा २८ गाडी र चालकलाई प्रहरीले नियन्त्रणमा लिएको थियो । त्यसमध्ये पास भएकाहरुलाई फिर्ता गरी बाँकीलाई झण्डै एक घण्टा कोरोनाबारे अभिमुखीकरण गरिएको अधिकारीले बताउनुभयो ।

लकडाउन उल्लङ्घन गर्नेलाई सामाजिक दूरी कायम हुने गरी जिल्ला प्रहरी कार्यालय परिसरमा बनाइएको सुरक्षा घेराभित्र उभ्याएर झण्डै एक घण्टा अभिमुखीकरण गरिएको हो । आउँदा दिनमा यसलाई निरन्तरता दिइने अधिकारीले जानकारी दिनुभयो ।

कोरोनाबारेको अभिमुखीकरणमा सहभागी भएकाहरुलाई कानूनी कारबाहीका लागि जिल्ला प्रशासन कार्यालयमा पठाइने छ ।

यो पनि पढ्नुहोस्

खाडी र मलेसियामा आइतबारको कोरोना अपडेट : सङ्क्रमण बढ्दो, ३९ नेपाली सङ्क्रमित, ५ जना निकाे भए

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्