कोरोना सङ्क्रमणबाट बच्न राेल्पामा 'फूट प्रेस ट्याप'

वैशाख ७, २०७७ आइतबार १३:१२:३० | माधवकुमार ओली

रोल्पा – साबुन पानीले हात धोइ सकेपछि अन्तिममा धारा बन्द गर्दा फेरि पनि सङ्क्रमणको जोखिम कायमै रहन्छ । ुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुुु यसैलाई ध्यानमा राखेर रोल्पाका एक जना युवा प्राविधिकले खुट्टाले थिचेर हात धुने धारा बनाएका छन् ।

रुन्टिगढी गाउँपालिकाका २१ वर्षीय दानबहादुर घर्तीले हातले नछोएरै खोल्न सकिने धारा बनाउनुभएको हो । कोरोना भाइरस (कोभिड १९) को जोखिम बढिरहेको बेला नियमित रुपमा साबुन पानीले हात धुँदा हातले धारा नछोएरै कसरी खोल्ने भन्ने सोच आएपछि यो धारा बनाउन सफल भएको घर्तीले बताउनुभयो ।

विज्ञान सङ्कायबाट कक्षा १२ मा अध्ययनरत घर्तीले बनाउनुभएको पहिलो धारा जिल्ला अस्पताल रोल्पामा राखिएको छ । सबैभन्दा धेरै जोखिम क्षेत्र अहिले अस्पताल भएकाले त्यहाँ राखिएको हो ।

झण्डै ३० देखि ५० हजारसम्म लाग्ने यो धारा निर्माणका लागि आवश्यक सामाग्री लिबाङमा रहेको मिलन ग्रील उद्योगका सञ्चालक मिलन डाँगीले सहयोग गर्नुभएको हो । अस्पताल जस्तो ठाउँमा सङ्क्रमणको जोखिम अझ बढी हुने भएकाले यो धाराले सङ्क्रमणबाट बच्न महत्वपूर्ण भूमिका खेल्ने रोल्पा अस्पतालकी डाक्टर धनमाया घर्तीले बताउनुभयो ।

सीमित स्रोत र साधनकाबीच पनि यस्तो आधुनिक धारा निर्माण भएपछि रोल्पाका सरोकारवालाहरुले पनि चासो देखाएका छन् । यस प्रकारको धारालाई जिल्लाका अन्य सरकारी कार्यालय तथा सार्वजनिक स्थलमा राख्न सके सङ्क्रमणको जोखिमलाई कम गर्न सकिने देखिन्छ ।

अन्तिम अपडेट: कात्तिक १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्