कालोपत्रे गरेको ५ महिनामै भासियो सडक

साउन १३, २०७५ आइतबार १७:१३:१७ | दीपक भट्ट

रामेछाप – सदरमुकाम मन्थलीबाट पुरानो सदरमुकाम रामेछाप बजार जोड्ने १४ किलोमिटर सडकखण्ड कालोपत्रे भएको पाँच महिना नपुग्दै फुटेर काम नलाग्ने भएको छ ।

पाँच महिना अगाडि कालोपत्रे गरेको सडक अहिले ठाउँठाउँमा भासिएर ठूल्ठूला खाडल पर्नुको साथै कतिपय स्थानमा सडक चिराचिरा परेको छ । एशियाली विकास बैंकको १४ करोड ६५ लाख रुपैयाँ आर्थिक सहायतामा निमार्ण सम्पन्न भएको त्यो सडक २०१७ को फ्रेबअरी महिनासम्म पूरा गर्ने गरी बज्रगुरु कन्सट्रक्सन प्रालिले कालोपत्रेको जिम्मा लिएको थियो ।

सडक निमार्णको जिम्मेवारी पाएको निमार्ण व्यवसायीको चरम लापरबाहीको कारण काम सम्पन्न गर्नु पर्ने सम्झौता भएको समयभन्दा एक वर्ष ढिला गरेर उक्त सडकको काम सकेको भएता पनि कमसल सामाग्री प्रयोग गरेकाले सडक निर्माण सम्पन्न भएको पाँच महिना नबित्दै त्यो सडक फुटेर चिराचिरा भएपछि ठूला मालबाहक यातायात सञ्चालन गर्न समेत जोमिख भएको छ । अहिले त्यस सडकमा साना सवारीसाधन मात्र संचालन हुँदै आएका छन् ।

मन्थलीदेखि रामेछापसम्म १४ किलोमिटरको बीचमा डेढ दर्जनभन्दा बढी ठाउँमा सडक भासिएको र फुटेको छ । साथै अधिकांश ठाउँमा सडकमाथिबाट पहिरो खसेर सडक पुरिएको छ । सडक कालोपत्रे गर्ने क्रममा भित्ताको माटो काटेर थुपारेको माटो माथि नै कालोपत्र गरेको र कालोपत्रे राखेर आवश्यकता अनुसारको कम्प्रेसन नदिएको कारण सडक भासिएको सडक डिभिजन कार्यालय खुर्कोटका सुपरभाइजर धु्रव कार्कीले जानकारी दिनुभयो ।

सडकमा कालोपत्रे राखिसेकपछि भाइब्रेट मेसिनले पेल्नु पर्ने भए पनि आवश्यकता अनुसार नपेलेको आरोप स्थानीयबासिन्दाले लगाएका छन् । सडक निर्माण भइरहँदा ठेकेदारले लापरबाही गरेपछि सडक निर्माणमा निगरानी राख्नको लागि स्थानीयले नागरिक निगरानी समिति समेत बनाएका थिए ।

निगरानी समितिले कामको गुणस्तरताको बिषयमा पटक पटक आवाज उठाएको भएता पनि त्यसको वेवास्ता गर्दै निमार्ण व्यवसायीले मनलाग्दी तरीकाले सडक कालोपत्रे गरेको रामेछाप नगरपालिका वडा नम्बर ८ का हरिकमाुर बुढाथोकीले जानकारी दिनुभयो ।

उहाँले भन्नुभयो, ‘सडक कालोपत्रे गर्ने जिम्मा लिएको निमार्ण कम्पनीले कमसल सामाग्री प्रयोग गरेको विषयमा पटक–पटक एडीबी र सडक डिभिजन कार्यालयलाई जानकारी गराउँदा पनि त्यसको सुनुवाई नै नगरेका कारण यती चाँडै सडकमा समस्या आएको हो ।’

सडक कालोपत्रे गर्ने जिम्मा लिएको निमार्ण व्यवसायीको चरम लापरबाहीका कारण ५ महिना पनि नबित्दै सडक भासिन पुगेको रामेछाप नगरपालिका वडा नम्बर ८ का वडा अध्यक्ष केदार कार्कीले जानकारी दिनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

1 Comments

John Lamba
July 29, 2018, 5:34 p.m.
Manthali! You can see the same in Kathmandu where ministers, beuracrats, and whole government system exist. During Modi visit, roads were renovated and pitched. Within six months, now there are potholes and you can see potholes on the road.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कालोपत्रे गरेको ५ महिनामै भासियो सडक

1 Comments

John Lamba

तपाईको प्रतिक्रिया

तपाईको प्रतिक्रिया