खाडीले घर न घाटको बनाएको छ

वैशाख १३, २०७७ शनिबार ११:४०:४८ | मेरो कथा मेरो भोगाई

गौरब जंग क्षेत्री, कुवेत ।

डेढ दशक परदेशमा बिताउँदा यो परदेशले धेरैथोक गरेछ । लक्का जवानको स्वरुप नै फेरिदिएछ । तर पनि खै किन यो ठाउँबाट मुक्ति मिलेको छैन ? मलाई नै थाहा छैन ।

खाडीले मेरो मात्र होइन, आफ्नो पनि स्वरुप बदलेको बदलेकै छ । मेरै हातले बनाएका गगनचुम्बी भवनले आकार लिएको छ । सबैको ध्यान खिचेको छ । तर म त्यही भवनको अघिल्तिर सेल्फी खिच्न पनि नसुहाउने भइसकें ।

हिजो जस्तै लाग्छ त्यो कालो झोलामा सपना बोकेर हिँडेको । त्यही झोलाको सिरानी हालेर सुतेको । झोला बोकेर हिँड्दा मेरो मात्र सपना थिए, दिन बित्दै जाँदा मेरा सपना साझा भए । अहिले डेढ दसश हुँदा पनि पूरा हुने छाँटकाँट देखाउँदैन ।

सीमित आम्दानीको लागानी केही प्रतिशत शिक्षामा गरेको छु । सँगै मेरो अर्को सपना पनि थपिएको छ, छोराछोरीलाई पढाएर उच्च शिक्षा दिनु छ ।

भोलि मेरो जस्तो अवस्था नआओस् । त्यो लगानी र प्रतिफल एक लाल पनि आशा राख्न नमिल्ने ।

मेरो साथ अब त्यही सपना बोकेको खाली झोला र टक्ले तालु, सेतै फुलेको दारी र कपाल अनि चाउरिएको थुतुनो मात्रै छ । हात गोडा दुख्ने बिमार । निराश मन । मलाई थाहा छ अहिले त यो सहरलाई पनि कोरोनाले पिरोलेको छ ।

अब भोलिका दिनमा मलाई यो खाडीले जसरी आएको थिए त्यस्तै गरी पठाउने छ । साच्चै भनौं भने त मेरो जीवनलाई यो खाडीले घर न घाटको बनाएको छ ।

सम्बन्धित समाचार

अप्रिल २५ : खाडी र मलेसियामा कोरोना सङ्क्रमितकाे सङ्ख्या ४५ हजार नाघ्याे

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्