धनकुटा र हिलेबजारका घरधनीहरुद्वारा रुपमा घरभाडा मिनाहाको घोषणा

वैशाख १५, २०७७ सोमबार १२:२१:० | सन्ताेष रुचाल

धनकुटा - लकडाउनको समय बढेसँगै जिल्लाका घरधनीहरुले आफुले भाडामा लगाउँदै आएको घरभाडा मिनाहाको घोषणा गरेका छन् ।

लकडाउनका कारण उद्योगी, व्यवसायीहरुको व्यवसाय धराशायी बन्दै गएपछि राहतस्वरुप धनकुटा र हिलेबजारका घरधनीहरुले स्वत स्फूर्त रुपमा घरभाडा मिनाहाको घोषणा गर्न थालेका हुन् ।

लकडाउनको प्रत्यक्ष मारमा उद्योगी, व्यवासायी परेकोले केही हदसम्म भए पनि उनीहरुलाई राहत पु¥याउने उद्देश्यले धनकुटा उद्योग वाणिज्य संघ धनकुटाका अध्यक्ष विजयसन्तोषी राई सहित एकदर्जन घरधनीहरुले लकडाउन अवधीभरको घरभाडा पूर्णरुपमा छुट दिने बताएका छन् ।

लकडाउनका कारण व्यापार, व्यावसाय बन्द भइ व्यावसायीहरुलाई ठूलो आर्थिक संंकट भएकाले धनकुटा नगरपालिका–५ धरहरा चौकको घरमा व्यापारीहरुले संचालन गरेको किराना पसल र खाजा घरको भाडा मिनाहा गरिदिएको धनकुटा उद्योग वाणिज्य संघका अध्यक्ष एवम् घरधनी राईले बताए ।

त्यस्तै धनकुटा उद्योग वाणिज्य संघका उपाध्यक्ष खगेन्द्र विष्ट, हिले बजारका थामबहादुर लिम्बू र हेमकुमारी लिम्बू, जंग क्षेत्री, निरबहादुर गोम्देङ, धनकुटा नगरपालिका–६ का पूर्णकृष्ण श्रेष्ठ, युवराज निरौला लगायतले पनि लकडाउन अवधीको घरभाडा छुट दिने घोषणा गरेका छन् ।

धनकुटा नगरपालिका–१ हिले घर भई हाल बेलायत बस्दै आएका थामबहादुर लिम्बु र हेम कुमारी लिम्बुले लकडाउन अवधिभरको घरभाडा पूर्णरुपमा मिनाहा गरिदिएको धनकुटा उद्योग वाणिज्य संघका सदस्य एवम् व्यवसायी गणेश थापाले बताए ।
लकडाउनका कारण व्यवसाय चौपट भएको बेला घरधनीले घरभाडा मिनाहा गरेर आफुहरुलाई राहत मिलेको व्यवसायीहरुले बताएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्