भोलिदेखि संसदमा बजेट पूर्वको छलफल सुरु हुने

 बैशाख २७, २०७७ शनिबार १८:३०:५४ | उज्यालो सहकर्मी
unn.prixa.net

काठमाण्डौ – संसदमा भोलिदेखि बजेट पूर्वको छलफल सुरु हुने भएको छ । 

भोलि बस्ने प्रतिनिधिसभा र राष्ट्रिय सभाको छुट्टाछुट्टै बैठकमा अर्थ मन्त्री डाक्टर युवराज खतिवडाले आर्थिक वर्ष २०७७/७८ काे लागि विनियोजन विधेयकका सिद्धान्त र प्राथमिकतासम्बन्धी प्रस्ताव पेस गर्ने र त्यसपछि छलफल सुरु गर्ने कार्यसूची रहेको संसद् सचिवालयले जनाएको छ ।

राष्ट्रिय सभाको बैठक भोलि दिउँसो १ बजेपछि र प्रतिनिधिसभाको बैठक बिहान ११ बजेपछि बस्नेछ । प्रतिनिधिसभाको बेठकको सुरुमा शिक्षा, विज्ञान तथा प्रविधि मन्त्री गिरिराजमणि पोखरेलले रेडियोधर्मी पदार्थको नियमनसम्बन्धी विधेयक २०७६ माथि विचार गरियोस् भन्ने प्रस्ताव पेस गर्ने कार्यसूची छ । 

त्यसपछि अर्थ मन्त्रीले बजेट पूर्वको छलफलका लागि प्रस्ताव पेस गर्ने र त्यसपछि छलफल थाल्ने तयारी छ । 

अन्तिम अपडेट: असार २२, २०७७

तपाईको प्रतिक्रिया