थप १ सय १४ मा कोरोना पुष्टि, सङ्क्रमितको संख्या ८ सय ८६ पुग्यो

 जेठ १४, २०७७ बुधबार १६:३१:२ | उज्यालो सहकर्मी
unn.prixa.net

काठमाण्डौ - आज एकै दिन एक सय १४ जना कोरोना संक्रमित थपिएका छन् ।

योसँगै नेपालमा कोरोना सङ्क्रमितको संख्या आठ सय ८६ पुगेको छ । विभिन्न प्रयोगशालामा गरिएका परीक्षणमा १सय १४ जनामा सङ्क्रमण पुष्टि भएको स्वास्थ्य मन्त्रालयका प्रवक्ता डा.विकास देवकोटाले जानकारी दिनुभयो ।

धरानको बीपी कोइराला स्वास्थ्य विज्ञान प्रतिष्ठानमा गरिएको परीक्षणमा ११ जना, कोशी अस्पताल विराटनगरमा गरिएको परीक्षणमा १७ जना, हेतौन्दा को किटजन्य प्रयोगशालामा गरिएको परीक्षणमा ८ जना, पोखरा प्रादेशिक अस्पतालको प्रयोगशालामा गरिएको परीक्षणमा ६ जना, राप्ती स्वास्थ्य विज्ञान प्रतिष्ठानको प्रयोगशालामा  गरिएको परीक्षणमा १८ जनामा सङ्क्रमण पुष्टि भएको हो । 

त्यसैगरी टेकुमा रहेको रास्ट्रिय जनस्वास्थ्य प्रयोगशालामा गरिएको परीक्षणमा ३८ जनामा सङ्क्रमण देखिएको मन्त्रालयले जनाएको छ ।

मन्त्रालयका अनुसार हालसम्म जम्मा ४७ जिल्लामा सङ्क्रमण फैलिएको छ ।

अन्तिम अपडेट: असार ९, २०७७

तपाईको प्रतिक्रिया