उत्तर काेरियाले भन्याे– 'दक्षिण काेरियासँग सबै सञ्चार सम्पर्क बन्द गरियाे'

जेठ २७, २०७७ मंगलबार १४:४०:३३ | एजेन्सी

काठमाण्डाै –उत्तर काेरियाले दक्षिण काेरियासँगकाे सबै सञ्चार सम्पर्क बन्द गरेको बताएकाे छ ।

यसमा दुवै देशका नेताहरुबीचकाे हटलाइन पनि समावेश छ । दक्षिण काेरियालाई शत्रु बताउँदै उत्तर काेरियाले याे पहिलाे कारबाही भएकाे जनाएकाे छ ।

उत्तर काेरियाकाे सीमामा रहेकाे शहर कएसाेङ्गमा बनाइएकाे सम्पर्क कार्यालय पनि मङ्गलबारदेखि बन्द गरिँदैछ । सन् २०१८ मा वार्तापछि दुवै देशबीच तनाव कम गर्नकाे लागि याे कार्यालय स्थापना गरिएकाे थियाे ।

सन् १९५३ मा काेरियाली युद्ध समाप्त भएपछि दुवै देशबीच शान्ति सम्झाैता भएकाे छैन, यस कारण अझै पनि दुवै देश प्राविधिक रुपमा युद्धकाे अवस्थामा छन् ।

उत्तर काेरियाकाे सरकारी न्युज एजेन्सी काेरियन सेन्ट्रल न्युज एजेन्सी (केसीएनए) ले भनेकाे छ, 'उत्तर र दक्षिण काेरियाबीच स्थापित गरिएकाे सम्पर्क लाइन पूर्णरुपमा टुट्दैछ र बन्द हुँदैछ, जसलाई उत्तर–दक्षिण काेरियाले संयुक्त कार्यालयकाे माध्यमबाट स्थापना गरेका थिए । याे कार्यालय सन् २०२० जुन ९ मध्याह्न १२ बजे बन्द गरिँदैछ ।'

उत्तर कोरियाले सैन्य सञ्चार च्यानल पनि बन्द गरिने जनाएको छ ।

काेभिड–१९ महामारीकाे कारण लागू गरिएकाे प्रतिबन्धकाे कारण सम्पर्क कार्यालय जनवरीमा अस्थाइ रुपमा बन्द गरिएकाे थियाे । यद्यपि दुई देशबीच फाेनकाे माध्यमबाट भने सम्पर्क भइरहेकाे थियाे ।

दुई देशबीच कार्यालयबाट बिहान ९ बजे र साँझ ५ बजे दुईचाेटि फाेन हुने गरेकाे थियाे ।

साेमबार दक्षिण काेरियाले २१ महिनामा पहिलाे पटक बिहानकाे फाेनकाे जवाफ नआएकाे बताएकाे थियाे त दिउँसाे भने सम्पर्क भएकाे थियाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्