अर्घाखाँचीमा १७ वर्षीया गर्भवती युवतीमा कोरोना सङ्क्रमण

असार २, २०७७ मंगलबार २०:११:८ | प्रेमनारायण आचार्य

अर्घाखाँची – अर्घाखाँचीमा एक गर्भवती युवतीमा कोरोना सङ्क्रमण पुष्टि भएको छ ।

पाणिनी गाउँपालिका ८ को क्वरेण्टीनमा रहेकी १७ वर्षीया युवती गर्भवती रहेको खुलेको छ । भारतबाट परिवारसहित आएर क्वरेण्टीनमा बसेकी ती युवतीको पेटमा तीन महिनाको बच्चा रहेको अर्घाखाँची अस्पतालका प्रमुख डाक्टर कपिल गौतमले जानकारी दिनुभयो ।

झण्डै डेढ वर्ष अगाडि विवाह भएकी ती युवती भारतको हरियाणमा श्रीमानसँगै बस्दै आएकी थिइन् । गएको जेठ १० गते कृष्णनगर नाका हुँदै आएकी उनको आरडीटी परीक्षण पोजेटिभ देखिएपछि स्वाब सङ्कलन गरी परीक्षणकाे लागि पठाइएको थियो ।

कोरोना सङक्रमित युवती भर्खर १७ वर्ष टेकेकी छिन् ।

अर्घाखाँचीमा आज एकैदिन गर्भवती युवतीसहित थप १५ जनामा कोरोना सङ्क्रमण पुष्टि भएको छ ।

शितगङ्गा नगरपालिकाका सात, भूमिकास्थान नगरपालिकाका एक, छत्रदेव गाउँपालिकाका दुई, मालारानी गाउँपालिकाका तीन, र ठेगाना नखुलेका एक जनामा कोरोना सङ्क्रमण पुष्टि भएको जिल्ला स्वास्थ्य कार्यलयका जनस्वास्थ्य निरीक्षक गणेश पौडेलले बताउनुभयो ।

प्रादेशिक जनस्वास्थ्य प्रयोगशाला भैरहवामा गरिएको परीक्षणमा १५ जनामा कोरोना सङ्क्रमण देखिएको हो । योसँगै अर्घाखाँचीमा कोरोना सङ्क्रमितको सङ्ख्या ५९ पुगेको छ । सङ्क्रमितमध्ये दुई जनाको मृत्यु भएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्