पोखरा महानगरपालिकाको बजेट ६ अर्ब १९ करोड

असार १०, २०७७ बुधबार २०:३०:३९ | सुमन गुरुङ

कास्की – पोखरा महानगरपालिकाको सातौँ नगरसभाले आर्थिक वर्ष २०७७/७८ काे लागि कुल ६ अर्ब १९ करोड ७१ लाख ७८ हजार रुपैयाँको बजेट बुधबार सार्वजनिक गरेको छ ।

पोखरा महानगरपालिकाकी उपमेयर मञ्जुदेवी गुरुङद्वारा प्रस्तुत बजेटमा चालु खर्चतर्फ तीन अर्ब २० करोड ८४ लाख र पुँजीगत खर्चतर्फ दुई अर्ब ९८ करोड ८८ लाख रुपैयाँ रहेको छ ।

बजेटमध्ये प्रशासनिक खर्चमा एक अर्ब ५८ करोड चार लाख र कार्यक्रम खर्चतर्फ चार अर्ब ६१ करोड ६८ लाख रुपैयाँ बजेट विनियोजन गरिएको छ । जसमध्ये चालु खर्चतर्फ ५२ प्रतिशत र पुँजीगततर्फ ४८ प्रतिशत खर्च हुने भएको हो ।

यस्तै प्रशासनिक तथा सञ्चालनतर्फ २६ प्रतिशत र कार्यक्रमतर्फ ७४ प्रतिशत हुने गुरुङले बताउनुभयो । आन्तरिक आम्दानीतर्फ दुई अर्ब ३६ करोड ४२ लाख १२ हजार रुपैयाँ प्राप्त हुने अनुमान गरिएको छ । सङ्घीय सरकारबाट दुई अर्ब ५२ करोड ६० र गण्डकी प्रदेश सरकारबाट १० करोड ५९ लाख ६६ हजार गरी कुल दुई अर्ब ६३ करोड १९ लाख ६६ हजार प्राप्त हुने अनुमान गरिएको छ ।

जसमा अन्तर सरकारी अख्तियारीबाट ८५ करोड प्राप्त हुने महानगरपालिकाले अनुमान गरेको छ । राजस्व बाँडफाँडतर्फ सङ्घीय सरकारबाट ३० करोड ६४ लाख र प्रदेश सरकारबाट चार करोड ३७ लाख गरी जम्मा ३५ करोड एक लाख प्राप्त हुने महानगरले बजेटमार्फत जानकारी दिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्