काेराेनाविरुद्धकाे खाेप मानिसमा परीक्षण गर्ने तयारीमा भारत

असार १६, २०७७ मंगलबार १७:३१:४ | एजेन्सी

काठमाण्डौ – भारतमा कोरोना भाइरसविरुद्ध बनाइएको एउटा खोपको जुलाई महिनामा मानिसमा परीक्षण गरिने भएको छ । हैदराबादको एक फर्मा कम्पनी ‘भारत बायोटेक’ ले बनाएको खोप परीक्षणमा स्वयंसेवीहरु सहभागी हुने भएका छन् ।

कम्पनीले यो खोपको मानिसमा चाँडै नै परीक्षण सुरु गरिने दाबी गरेको छ । तर कति जना स्वयंसेवीलाई यो खोप दिइने भन्नेबारेमा कम्पनीले जानकारी दिइसकेको छैन ।

कम्पनीका अनुसार जनावरमाथि यो खोप परीक्षणको नतिजा उत्साहजनक र सुरक्षित पाइएको छ । विश्वका विभिन्न देश अहिले कोरोनाविरुद्धको खोपको परीक्षण गरिरहेका छन् ।

विशेषज्ञहरुका अनुसार अहिले एक सय २० भन्दा धेरै खोपको कार्यक्रम चलिरहेको छ । झण्डै आधा दर्जन भारतीय फर्मा कम्पनी कोरोना भाइरसको खोप बनाउन लागिपरेका छन् ।

मानव परीक्षणसम्म पुगेको, भारतमा बनेको यो पहिलो कोरोना खोप हो । भारतमा औषधिको नियामक संस्थाले पनि भारत बायोटेकको खोप मानवमा पहिलो र दोस्रो चरणमा क्लिनिकल ट्रायल गर्न अनुमति दिएको छ ।

भारत बायोटेकले जारी गरेको विज्ञप्ति अनुसार, ‘कम्पनीको प्रि–क्लिनिकल अध्ययन र खोप सुरक्षित भएको दस्तावेज जम्मा गरेपछि क्लिनिकल परीक्षणको अनुमति मिलेको हो ।’

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्