सुदूरपश्चिममा काेराेना सङ्क्रमणकाे दर बढ्दै, सबैभन्दा बढी सङ्क्रमित भेटिएका प्रदेशकाे लहरमा तेस्राे स्थानमा

असार २२, २०७७ सोमबार १३:१:९ | सीताराम ओझा

कैलाली – सुदूरपश्चिम प्रदेशमा काेरोना सङ्क्रमितकाे दर तीव्र गतिमा बढिरहेकाे छ । देशका सात वटा प्रदेशमध्ये सबैभन्दा बढी कोरोना सङ्क्रमित भेटिएकाकाे लहरमा सुदूरपश्चिम प्रदेश तेस्राे स्थानमा छ । प्रदेश नम्बर २ र प्रदेश नम्बर ५ पछि नेपालमा सबैभन्दा बढी सुदूरपश्चिममा सङ्क्रमित भेटिएका हुन् ।

स्वास्थ्य तथा जनसङ्ख्या मन्त्रालयका अनुसार आइतबारसम्म सुदूरपश्चिम प्रदेशमा कोरोना सङ्क्रमितको सङ्ख्या तीन हजार आठ सय ७८ पुगेको छ । प्रदेशमा सबैभन्दा बढी कैलालीमा आठ सय ५६ जनामा कोरोना पुष्टि भएको मन्त्रालयले जनाएको छ ।

यस्तै अछाममा पाँच सय ८७, बाजुरामा पाँच सय ५९, डोटीमा पाँच सय ५६ जनाामा कोरोना पुष्टि भएको छ । कञ्चनपुरमा चार सय २९, डडेल्धुरामा दुई सय ६७, बैतडीमा दुई सय ६१, बझाङमा एक सय ४६ र बाजुरामा १७ जनामा कोरोना पुष्टि भएको मन्त्रालयले जनाएको छ ।

सुदूरपश्चिमभन्दा सङ्क्रमित धेरै भेटिएका प्रदेश नम्बर २ मा चार हजार एक सय ६० र प्रदेश नम्बर ५ मा तीन हजार नौ सय ६७ जनामा कोरोना पुष्टि भएको छ ।

कर्णाली प्रदेशमा एक हजार पाँच सय ७८, गण्डकी प्रदेशमा एक हजार एक सय ५०, प्रदेश नम्बर १ मा ६ सय ९२ र वाग्मती प्रदेशमा पाँच सय ५९ जनामा कोरोना पुष्टि भएको छ । सुदूरपश्चिममा कोरोना पुष्टि भएका आठ जनाको मृत्यु भइसकेको छ भने सङ्क्रमितमध्ये ६ सय ६२ जना डिस्चार्ज भएका छन् ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्