कास्की पहिराे : मृतकका परिवारलाई एक लाख दिइने

 असार २६, २०७७ शुक्रबार १७:२७:१२ | सुमन गुरुङ
unn.prixa.net

कास्की – कास्कीमा पहिरोमा परि ज्यान गुमाउनेका परिवारलाई एक लाख रुपैयाँ राहत दिइने भएकाे छ ।

जिल्ला विपद् व्यवस्थापन समिति कास्कीको शुक्रबार बसेको बैठकले मृतकका परिवारलाई एक लाख रुपैयाँ राहत दिने निर्णय गरेको हो । बैठकले घाइतेहरुकाे निःशुल्क उपचार गरिदिने निर्णय पनि गरेको छ । 

बैठकले पीडित घरपरिवारलाई सरकारी मापदण्डअनुसार थप राहत उपलब्ध गराउने निर्णय गरेको छ ।  त्यस्तै बैठकले मृतकका परिवारप्रति समवेदना प्रकट गर्दै घाइतेहरुको शीघ्र स्वास्थ्य लाभको कामना पनि गरेको छ । 

बिहीबार रातिदेखिकाे अविरल वर्षाकाे कारण कास्कीमा अहिलेसम्म सात जनाकाे ज्यान गएकाे छ भने १२ जना घाइते भएकाे जिल्ला प्रहरी कार्यालय कास्कीले जानकारी दिएको छ ।   

अन्तिम अपडेट: साउन २०, २०७७

सुमन गुरुङ

कास्कीका उज्यालो सहकर्मी  सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया