सुत्केरी भैँसीलाई तीन हजार भत्ता !

साउन २०, २०७५ आइतबार १७:२:११ | दीपक भट्ट

रामेछाप – सुत्केरी महिलालाई भत्ता दिएको त हामी सबैले सुनेकै छौं ।

तर सुत्केरी भैँसीलाई पनि भत्ता दिइएको छ । रामेछापको सुनापति गाउँपालिका हिलेदेवीले सुत्केरी भैँसी पाल्ने किसानलाई पोषणभत्ता स्वरुप तीन हजार रुपैयाँ सुत्केरी भत्ता उपलब्ध गराएको छ ।

किसानहरुले पाल्दै आएका भैँसीलाई सुत्केरी भएको अवस्थामा राम्रोसँग स्याहारसुसार र खानपिनमा ध्यान दिनुपर्ने सन्देश गाउँपालिकाका पशुपालक किसान र समग्र जिल्लाकै किसानहरुलाई प्रबाह गराउन जिल्लामै पहिलो पटक पशु आहार सुत्केरी भत्ता वितरण गरिएको हो ।

सुनापति गाउँपालिका भित्र रहेर पशुपालन गर्दै आएका ७ जना किसानलाई तीन हजारका दरले २१ हजार रुपैयाँ सुत्केरी भत्ता रकम उपलब्ध गराइएको सुनापति गाउँपालिकाका पशुसेवा शाखाका प्रमुख प्रभु चौधरीले जानकारी दिनुभयो ।

गएको आर्थिक वर्षबाट सुरुवात गरेको अभियानमा गाउँपालिकाबाट सुत्केरी भत्ताको लागि निकालिएको सूचनाको आधारमा ७ जना किसानलाई वितरण गरिएको भैँसी सुत्केरी भत्ता कार्यक्रम आर्थिक वर्ष २०७५।०७६ मा पनि राखिएको चौधरीले बताउनुभयो ।

गाउँपालिकाले व्यवसायिक पशुपालनतर्फ कृषकलाई आकर्षित गर्ने र दूध उत्पादनमा वृद्धि गर्ने उद्धेश्यले आगामी वर्षहरुमा समेत यस कार्यक्रमलाई निरन्तरता दिई थप किसानहरुलाई अनुदानको रकम दिने व्यवस्था मिलाइने सुनापति गाउँपालिकाका प्रमुख प्रशासकीय अधिकृत धनेन्द्र भुजेलले जानकारी दिनुभयो ।

भुजेलले भन्नुभयो, ‘गाउँपालिका अधिकांश नागरिकहरुको मुख्य पेशा भनेकै खेती र पशुपालन भएकाले घरमा पालिएका पशुहरुलाई घाँस, पोषणयुक्त खानेकुरा नदिँदा पशुहरुमा विभिन्न रोगले सताउने, दूध उत्पादनमा कमी हुने र पशुहरु बिरामी भई मृत्यु समेत हुने गरेका कारण किसानहरुलाई प्रोत्साहन स्वरुप सुत्केरी भत्ता प्रदान गरिएको हो ।’

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्