पर्सामा ज्यान गुमाएकी युवतीमा कोरोना पुष्टि

साउन २१, २०७७ बुधबार ९:३२:२७ | केसी लामिछाने

पर्सामा कोरोना भाइरसको सङक्रमणबाट पोखरिया नगरपालिका वडा नं. ८ की एक १८ वर्षीया किशोरीको ज्यान गएको छ । ज्यान गइसकेपछि गरिएको परीक्षणमा किशोरीमा कोरोना भाइरसकाे सङ्क्रमण पुष्टि भएको हो ।

झाडापखालाले सिकिस्त भएपछि उहाँलाई गएको सोमबार उपचारको लागि वीरगञ्जको नेशनल मेडिकल कलेजमा लैजाने क्रममा बाटोमै ज्यान गएको थियो । त्यही दिन उहाँको स्वाब संकलन गरी परीक्षणको लागि वीरगञ्जको नारायणी अस्पतालमा रहेको प्रयोगशालामा पठाइएको थियो ।

मङ्गलबार राति आएको रिपोर्टमा किशोरीमा कोरोना देखिएको नारायणी अस्पतालका मेडिकल सुपरिटेण्डेण्ट डा. मदन कुमार उपाध्यायले बताउनुभयो ।

ती किशोरीको घर पोखरिया नगरपालिका वडा नं ८ जगतपुर भएपनि उहाँ त्यही नगरपालिकाकाे वडा नं ९ मा रहेकाे आफ्नाे मामा घरमा बस्दै आउनुभएकाे थियाे ।

किशोरीको मृत्युसँगै पर्सामा कोरोना सङ्क्रमणबाट ज्यान गुमाउनेको संख्या १५ पुगेको छ ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्