बारा र पर्सामा गरी थप ७० जनामा कोरोना सङ्क्रमण पुष्टि

साउन २७, २०७७ मंगलबार ११:१३:४७ | केसी लामिछाने

पर्सा - बारा र पर्सामा गरी आज थप ७० जनामा कोरोना सङ्क्रमण पुष्टि भएको छ ।

ज्वरो आएर वीरगञ्जमा रहेको नारायणी अस्पतालको प्रयोगशालामा गएर आफैँ परीक्षण गराएका २१ जना डाक्टर, स्वास्थ्यकर्मी, सुरक्षाकर्मी र सञ्चारकर्मीसहित ६५ जनामा कोरोना सङ्क्रमण पुष्टि भएको हो ।

यस्तै नारायणी अस्पतालकै प्रयोगशालामा बाराका ५ जनामा पनि कोरोना सङ्क्रमण पुष्टि भएको छ । सङ्क्रमण देखिएकामध्ये नारायणी अस्पतालको ओपीडीमा कार्यरत वीरगञ्ज–३ प्रगतिनगरका ३३ वर्षीय र बारा नकटुवाका ४५ वर्षीय पुरुष, अस्पतालकै पेड्रियाट्रिक वार्डमा कार्यरत बारा पथलैयाका २३ वर्षीय पुरुष र अस्पतालकै क्वार्टरमा बस्दै आएकी ३५ वर्षीया महिला छन् ।

त्यसैगरी अस्पतालकै कर्मचारीको कन्ट्याक्ट ट्रेसिङमा परेका ५ वर्षीया बालिका, ३३ वर्षीया महिला र ५६ वर्षीय पुरुषमा पनि सङ्क्रमण देखिएको छ । त्यसैगरी नेशनल मेडिकल कलेजमा कार्यरत ३१ र ३० वर्षीय दुई जना डाक्टर र २३ वर्षीय एक युवकमा पनि कोरोना भाइरसको सङ्क्रमण पुष्टि भएको छ।

संक्रमितमध्ये ६ जना प्रहरी छन् । वडा प्रहरी कार्यालय बिर्तामा कार्यरत ५ जना र जिल्ला प्रहरी कार्यालय पर्सामा कार्यरत १ जना प्रहरी कर्मचारीमा पनि सङ्क्रमण देखिएको हो । जिल्ला प्रहरी कार्यालय पर्साका प्रवक्ता प्रहरी नायब उपरीक्षक मनोजित कुँवरकाअनुसार योसँगै पर्सा जिल्लामा ३२ जना प्रहरीमा कोरोना सङ्क्रमण पुष्टि भइसकेको छ ।

संक्रमितको कन्ट्याक्ट ट्रेसिङमा परेका २४ जनामा कोरोना सङ्क्रमण पुष्टि भएको पीसीआर ल्याबले जनाएको छ । पर्साको जगरनाथपुर गाउँपालिका-३ का ३० वर्षीया महिला र ३ वर्षीया बालिका, बाराको जितपुर सिमरा उपमहानगरपालिकाको सिमरा करेण्टीन ४५ वर्षीय पुरुष र बाराको निजगढमा कार्यरत ३० वर्षीय सशस्त्र प्रहरी जवानमा कोरोना देखिएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्