प्रिमियर लिगमा दोस्रो स्थानको लिभरपुल एभर्टनसँग पराजित
बैशाख १३, २०८१ बिहिबार
धादिङ – काठमाण्डाैकाे ह्याम्स अस्पतालमा उपचारका क्रममा मृत्यु भएका धादिङका पुरुषमा काेराेना भाइरसकाे सङ्क्रमण पुष्टि भएकाे छ ।
धादिङकाे नीलकण्ठ नगरपालिका १४ काे धुँवाकाेटका पुरुषकाे उपचारकाे क्रममा ह्याम्स अस्पतालमा मृत्यु भएकाे हाे । रुघाखाेकी र ज्वराे आएपछि गएकाे साउन २६ गते धादिङ अस्पताल गएका उनलाई स्वाब सङ्कलनकाे लागि काठमाण्डाै पठाइएकाे थियाे ।
काठमाण्डौको वीर अस्पताल र शिक्षण अस्पतालमा उपचारकाे लागि भर्ना गर्न नपाएपछि ह्याम्स अस्पताल लगिएको पारिवारिक स्राेतले जनाएको छ । अस्पताल भर्ना भएर उपचारको क्रममा साउन २७ गते बिहान उनकाे मृत्यु भएको र मृत्युपछि स्वाब परीक्षणको प्रतिवेदन आउँदा कोरोना सङ्क्रमण देखिएको हो ।
काेराेना सङ्क्रमितकाे मृत्यु धादिङ जिल्लाकाे पहिलाे घटना हाे ।
धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।