सङ्क्रमितले अरुलाई भाइरस नसार्न पहल गरौँ : मन्त्रालय

भदौ १४, २०७७ आइतबार १७:१४:१६ | उज्यालो सहकर्मी

काठमाण्डाै – सरकारले एक जना सङ्क्रमितले अरु तीन हजार जना सम्मलाई कोरोना भाइरसकाे सङ्क्रमण सार्न सक्ने भएकोले सुरक्षित रहन सङ्क्रमण भएकाहरुलाई आग्रह गरेको छ ।

कतिपय सङ्क्रमित आइसोलेशनबाट भाग्ने, होम आइसोलेशनमा बसेकाहरु बाहिर निस्किने जस्ता गुनासो आएको भन्दै स्वास्थ्य तथा जनसङ्ख्या मन्त्रालयका प्रवक्ता डाक्टर जागेश्वर गौतमले परिवार, छिमेकी वा देशलाई नै पर्ने समस्यालाई बुझी अनुशासित हुन सङ्क्रमित भएकाहरुलाई आग्रह गर्नुभयो ।

उहाँले आइसोलेशनबाट भाग्नुभन्दा चित्त नबुझेको कुरा आइसोलेशन व्यवस्थापनसँग राख्न भन्दै आवश्यकताअनुसार आइसोलेशन सुधारका लागि सबैलाई आग्रह गर्नुभयो । कोरोना महामारीले देशको स्वास्थ्य सेवा नै असहज अवस्थामा पुगेको भन्दै यो समयमा सबैको हातेमालोबाट मात्रै समस्या समाधान हुने उहाँले बताउनुभयो ।

यस्तै प्रवक्ता गौतमले सम्बन्धित अस्पतालसँग समन्वय नगरि कोरोना सङ्क्रमितलाई रेफर नगर्न निर्देशन दिनुभएको छ । कतिपय सङ्क्रमितलाई सम्बन्धित अस्पतालमा सम्पर्क गरी र डाक्टरको साथ नलगाइ पठाएको पाइएको भन्दै यस्तो गर्दा केही तलमाथि भएमा रेफर गर्ने अस्पताल जवाफदेही हुने प्रवक्ता गाैतमले बताउनुभयो ।

अन्तिम अपडेट: कात्तिक १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्