प्रमुख प्रशासकीय अधिकृत नहुँदा छिन्नमस्ता गाउँपालिकाको कामकाज प्रभावित

 भदौ २१, २०७७ आइतबार १५:२८:४१ | शुभनारायण यादव
unn.prixa.net

सप्तरी – गएको दुई महिनादेखि सप्तरीको छिन्नमस्ता गाउँपालिकाका प्रमुख प्रशासकीय अधिकृत नहुँदा दैनिक अति आवश्यक कामकाज प्रभावित हुँदै गएकाे छ । 

गएको असार ३१ गतेदेखि प्रमुख प्रशासकीय अधिकृत खेमराज थापा कार्यालयमा उपस्थित नहुँदा हजारौं सेवाग्राहीहरुको कामकाज प्रभावित भएको जनगुनासो बढ्दै गएको छ । गाउँपालिकामा प्रमुख प्रशासकीय अधिकृत नहुँदा व्यवसाय दर्ता ,क्यान्सर पीडितको सिफारिस लगायतका अति आवश्यक कामकाज प्रभावित भइरहेको स्थानीय तथा नेकपाका नेता बिनोद यादवले बताउनुभयो । 

त्यस्तै गाउँपालिकामा अझैसम्म गाउँ सभा समेत हुन नसकेको स्थानीयबासीको गुनासो छ । यसैबीच विगतमा गरिएको निर्णयहरु कार्यान्वयन नभएको भन्दै नेकपा संघर्ष समितिले आज गाउँपालिकामा ज्ञापनपत्र बुझाउने निर्णय गरे पनि प्रमुख प्रशासकीय अधिकृत नहुँदा सो कार्य प्रभावित भएको संघर्ष समितिका सदस्य जयप्रकाश यादवले गुनासो गर्नुभयो ।
 

अन्तिम अपडेट: भदौ २२, २०७७

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ । 

तपाईको प्रतिक्रिया