कोरोना सङ्क्रमित निको हुने दर बढ्यो

भदौ २२, २०७७ सोमबार ११:१९:२ | उज्यालो सहकर्मी

फाेटाे स्राेत : स्वास्थ्य मन्त्रालय

काठमाण्डाै - नेपालमा कोरोना सङ्क्रमित निको हुने दर बढेको छ । भदौ १४ गते सङ्क्रमित निको हुने दर ५४ प्रतिशत रहेकोमा एक हप्तापछि हिजो ६२ दशमलव ३ प्रतिशत पुगेको स्वास्थ्य तथा जनसंख्या मन्त्रालयले जनाएको छ।

हिजो एकै दिन एक हजार आठ सय १४ जना निको भएका छन् । योसँगै नेपालका कुल सङ्क्रमित ४६ हजार दुई सय ५७ जनामध्ये २८ हजार नौ सय ४१ जना निको भैसकेका छन् । साउन १५ मा निको हुने दर ७२ प्रतिशतसम्म पुगेको थियो । तर पछिल्ला दिनमा सङ्क्रमण पुष्टि हुने संख्या बढेसँगै निको हुने दर घट्दै गएको थियो ।

मन्त्रालयले हिजो सार्वजनिक गरेको तथ्याङ्कअनुसार सार्क देशमध्ये सबैभन्दा धेरै पाकिस्तानमा निको हुने दर ९४ दशमलव आठ प्रतिशत रहेको छ । यस्तै श्रीलङ्कामा ९३ दशमलव ३ प्रतिशत, अफगानिस्तानमा ७७ दशमलव ६ प्रतिशत, भारतमा ७७ दशमलव २, बंगलादेशमा ६७ दशमलव २ प्रतिशत, भुटानमा ६५ दशमलव ८ र माल्दिभ्समा ६५ दशमलव ५ प्रतिशत रहेको छ ।

विश्वमा निको हुने दर ७० प्रतिशत छ । नेपालमा अहिले १७ हजार २७ जना सक्रिय सङ्क्रमित रहेका छन् । यो कुल सङ्क्रमितको ३६ दशमलव आठ प्रतिशत हो । सार्क देशहरुमध्ये अफगानिस्तानमा १८ दशमलव ८, बंगलादेशमा ३१ दशमलव ४, भुटानमा ३४ दशमलव २ र भारतमा २१ प्रतिशत सक्रिय सङ्क्रमित छन् ।

यस्तै माल्दिभ्समा ३२ दशमलव २ प्रतिशत, पाकिस्तानमा ३ दशमलव १ र श्रीलङ्कामा ६ दशमलव ३ प्रतिशत सक्रिय सङ्क्रमित रहेका छन् । विश्वमा सक्रिय सङ्क्रमित दर २६ दशमलव ९ प्रतिशत छ । यस्तै नेपालमा कोरोनाका कारण ज्यान गुमाउनेको दर शून्य दशमलव छ प्रतिशत रहेको छ ।

सार्क राष्ट्रमध्ये सबैभन्दा बढी मृत्युदर अफगानिस्तानमा ३ दशमलव ७ प्रतिशत रहेको छ । यस्तै पाकिस्तानमा २ दशमलव १, बंगलादेशमा एक दशमलव ४, भारतमा एक दशमलव ७ प्रतिशत रहेको छ ।

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्