हुलाकी राजमार्ग अन्तर्गतको कञ्चनपुर क्षेत्रमा भारतीय अवरोध कायमै

भदौ २६, २०७७ शुक्रबार १६:१२:३५ | सीताराम ओझा

कैलाली – हुलाकी सडकको कञ्चनपुर खण्डमा भारतीय पक्षले गरेको अवरोध कायमै रहेको छ । निर्माणाधिन हुलाकी सडकको क्षेत्र आफ्नो भूभाग भएको भन्दै भारतीय पक्षले विरोध गरेपछि उत्पन्न समस्या समाधान हुन नसकेको हो ।

बेलौरी क्षेत्रमा पर्ने १२ सय मिटरमा देखिएको विवाद कायमै छ । विगतको नक्सामा पनि क्षेत्र नेपालमै देखिएको र ग्रावेल सडक समेत निर्माण गरिएका कारण हुलाकी सडकको पनि डीपीआर तयार पारेर काम गर्न सुरु गरेको आयोजना कार्यालयका सूचना अधिकारी पदम बहादुर मडैले बताउनुभयो ।

भारतीय पक्षले बेलौरी क्षेत्रमा सडक निर्माण गर्दा पटक पटक अवरोध सिर्जना गर्न थालेपछि जिल्ला प्रशासन कार्यालयले तत्काल त्यस क्षेत्रमा काम नगर्न निर्देशन दिएको मडैले बताउनुभयो । उहाँका अनुसार अहिले त्यस विषयमा कुनै पनि जानकारी नआउँदा काम पनि ठप्प छ ।

कञ्चनपुरका तत्कालीन प्रमुख जिल्ला जिल्ला अधिकारी नुरहरि खतिवडाले सो विवाद दुई देशको उच्च स्तरीय टोलीले अध्ययन गरेर समाधान गर्नुपर्ने भएका कारण तत्काल काम नगर्न निर्देशन दिनुभएको थियो । अहिले उहाँको सरुवा भइसकेको छ । तर जिल्ला प्रशासन कार्यालय कञ्चनपुरका सूचना अधिकारी कृष्णानन्द जोशीले अब नयाँ प्रमुख जिल्ला अधिकारीसँग यस विषयमा छलफल हुने बताउनुभयो ।

हुलाकी सडकमा भारतीय पक्षले अवरोध गरेपछि आयोजना कार्यालयले समेत सडक विभाग लगायत जिल्ला प्रशासनसंगै अन्य सरोकारवाला निकायलाई मौखिक तथा लिखित रुपमा नै जानकारी गराएको थियो । १२ सय मिटर क्षेत्रफलमा सडक निर्माणको काम ठप्प रहे पनि विवाद समाधानमा सम्बन्धित निकायले वेवास्ता गरिरहेका छन् ।

बेलौरीसंगै हुलाकी सडककै अन्य क्षेत्रमा समेत विभिन्न समस्याहरु देखा परेका छन् । यसले सडक निर्माणमा बाधा पुगिरहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्