धनकुटा : साँगुरीगढी गाउँपालिकाद्वारा पहिरो पीडितलाई राहत वितरण

कात्तिक २, २०७७ आइतबार १२:५४:४३ | सन्ताेष रुचाल

धनकुटा - धनकुटाको साँगुरीगढी गाउँपालिकाका बाढी पहिरो पीडित परिवारलाई खाद्यान्नसहित आर्थिक सहयोग राहत स्वरुप वितरण गरिएको छ ।

गाउँपालिकाको वडा नं १, २ र ७ का ४१ घरपरिवारलाई खाद्यान्न सामग्रीसहित आर्थिक सहयोग वितरण गरिएको हो । यूएनडीपीको आर्थिक सहयोग तथा पर्डेप नेपाल धनकुटा र साँगुरीगढी गाउँपालिकाको व्यवस्थापनमा प्रति परिवार ५०/५० किलो चामल, ४/४ लिटर तेल, ३/३ किलो नुन, ३/३ किलो चिनी, ५/५ किलो दाल र २/२ हजार नगद आर्थिक सहयोग प्रदान गरिएको पर्डेप नेपाल धनकुटाका कार्यकारी निर्देशक मीनप्रसाद सुवेदीले जानकारी दिनुभयो ।

पहिरो प्रभावित क्षेत्रका परिवार अहिले पनि जोखिम मोलेर बसेका छन् । तमोर कोरिडोरको बाटो बन्न थालेपछि त्यस क्षेत्रमा पहिरो जान थालेको स्थानीयले बताएका छन् । साँगुरीगढी गाउँपालिकामा ४१ घरपरिवार बाढी पहिरोबाट पीडित भएपछि उनीहरुको व्यवस्थापन र सुरक्षाको लागि आवश्यक पहल गर्न केन्द्र र प्रदेश सरकारसँग छलफल भइरहेको गाउँपालिकाका अध्यक्ष कुमारजंग याखाले बताउनुभयो ।

बाढी पहिरो पीडित परिवारका लागि विभिन्न सहयोगका कार्यक्रम र जोखिमपूर्ण बस्तीलाई दीर्घकालीन रुपमा व्यवस्थापन गर्न पहल भइरहेको गाउँपालिकाका प्रवक्ता बालकृष्ण राईले बताउनुभयो ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्