ललितपुरको सुनाकोठीमा विरोध कार्यक्रम कायमै : सडक पिच नगर्दासम्म आन्दोलन नरोकिने

कात्तिक २१, २०७७ शुक्रबार ८:१२:२१ | उज्यालो सहकर्मी

ललितपुर - ठेकेदारले सडक कालोपत्रे गर्ने काम समयमै नगरेको भन्दै गएको आइतबारदेखि आन्दोलनमा उत्रिएका ललितपुर सुनाकोठीका बासिन्दाले आज पनि आफ्नो विरोध कार्यक्रमलाई निरन्तरता दिएका छन् ।

दबाबपछि सुनाकोठी क्षेत्रमा ठेकेदारले सडकमा ग्राभेल झारे पनि अझै पिचको काम सुरु हुन्छ भनेर विश्वस्त हुन सक्ने वातावरण नभएको स्थानीय बासिन्दाको भनाइ छ । उनीहरुले आज पनि बिहान ७ बजेदेखि नै सडक बन्द गरेर विरोध गरिरहेका छन् ।

याे पनि पढ्नुहाेस् ।

सुनाकोठीमा ठेकेदारले ग्राभेलको काम थाले, पिच नहुँदासम्म आन्दोलन नरोकिने

ठेकेदारले आजदेखि ग्राभेल सम्याउने सहमति गरेकाले आज सम्याउने काम भएमा भोलिदेखि सडक बन्द बिहान १० बजेदेखि मात्र गर्ने नेवाजका अध्यक्ष निरोज महर्जनले बताउनु भयो । तर पिच नगर्दासम्म आन्दोलन भने केही खुकुलो गरेर निरन्तरता दिने उहाँले बताउनु भयो ।

स्थानीय बासिन्दाको दबाबपछि ठेकेदारले अस्ति बुधबार बेलुकी ग्राभेल झारेको थियो । ठेकेदारले सडक विस्तारका लागि भनेर भत्काइएको सडक नबनाएर अलपत्र छाडेपछि स्थानीय बासिन्दाले पटक-पटक आन्दोलन गर्दै आएका छन्।

ढोलाहिटी-सुनाकोठी-चापागाउँ सडक विस्तारको जिम्मा शैलुङ कन्स्ट्रक्सन जेभीले पाएको छ । ठेक्का लागेको ६ वर्ष बितिसक्दासमेत सडक विस्तार सकेर कालोपत्रे हुन सकेको छैन ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्