कास्कीको मादी गाँउपालिकामा ‘एक घर, एक पीसीआर’ परीक्षण

कात्तिक २५, २०७७ मंगलबार १९:२४:३३ | सुमन गुरुङ

कास्की – कास्कीको मादी गाउँपालिकाले ‘एक घर, एक पीसीआर’ परीक्षण गर्ने भएको छ । गाउँपालिकाको स्थानीय विपद् व्यवस्थापन समितिको मङ्गलबार बसेको भर्चुअल बैठकले कोरोना भाइरस सङ्क्रमणको उच्च जोखिम रहको ठाउँमा पीसीआर परीक्षण गर्ने निर्णय गरेको हो ।

बैठकले कन्ट्याक्ट ट्रेसिङमा परेका व्यक्तिको समेत पीसीआर परीक्षण गर्ने पनि निर्णय गरेको छ । साथै कात्तिक २६ गतेदेखि मङ्सिर २ गतेसम्मका लागि सार्वजनिक यातायातका साधनहरु सञ्चालनमा पूर्णरुपमा रोक लगाएको छ । नजिकिँदै गरेको तिहार तथा छठ पर्वमा सङ्क्रमण बढ्न सक्ने भन्दै यस्तो निर्णय गरिएको हो ।

यस अवधिमा अत्यावश्यक सवारीसाधन एम्बुलेन्स, खाद्यान्न तथा निर्माण सामग्री ढुवानी गर्ने गाडी, सरकारी गाडी र निजी सवारी आवागमनलाई सहजीकरण गरिने भएको छ ।

त्यस्तै कात्तिक २६ गतेदेखि लागू हुने गरेर मङ्सिर ५ गतेसम्मका लागि गाउँपालिकाका विभिन्न ठाउँ सिल गरिने भएको छ । ‘मिति २०७७ कात्तिक २६ गतेदेखि मङ्सिर ५ गतेसम्मका लागि कोरोना भाइरस सङ्क्रमणको दर अत्यधिक रहेका, सङ्क्रमणको उच्च जोखिम रहेका वडा नम्बर ९ को नयाँबजार, वडा नम्बर १० को थुम्सिकोट, वडा नम्बर ११ को भगवती बजार, वडा नम्बर १२ को घुम्लेबजार तथा वडा नम्बर १२ को भगवतीटार क्षेत्र सिल गरिने छ’, गाउँपालिकाद्वारा जारी गरिएको प्रेस विज्ञप्तिमा भनिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्