कमेडियन भारती सिंह र उनका पतिलाई ४ डिसेम्बरसम्मका लागि न्यायिक हिरासतमा पठाइयाे

मंसिर ७, २०७७ आइतबार १९:८:५४ | एजेन्सी

काठमाण्डाै – भारतीय टेलिभिजनको दुनियाँकी लोकप्रिय कमेडियन भारती सिंह र उनका पति हर्ष लिम्बाचियालाई लागुऔषध प्रकरणमा पक्राउ गरिएपछि ४ डिसेम्बरसम्मका लागि न्यायिक हिरासतमा पठाइएको छ ।

यी दुवै जनाको जमानत निवेदनमाथि सोमबार सुनुवाइ हुने भारतीय सञ्चारमाध्यमले जनाएका छन् ।

भारतीलाई नार्काेटिक्स कन्ट्रोल ब्युरो (एनसीबी) ले शनिबार पक्राउ गरेको हो भने उनका पति हर्षलाई आइतबार पक्राउ गरेको हो ।

भारती सिंहको घरबाट लागुऔषध बरामद गरिएको पनि बताइएको छ ।

एनसीबीका क्षेत्रीय निर्देशक समीर वानखेडेले भारती सिंहले भारती सिंहका पतिलाई पक्राउ गरिएको पुष्टि गरेका हुन् ।

एनसीबीका अधिकारीहरुले भारती सिंह र उनका पतिलाई गाँजा सेवन गरेको आरोपमा पक्राउ गरिएको हो । उनीहरुविरुद्ध नार्काेटिक्स एण्ड साइकोट्रोपिक सब्स्ट्यान्स (एनडीपीएस) अन्तर्गत मुद्दा दर्ता गरिएको छ ।

यसअघि भारतीय अभिनेता सुशान्तसिंह राजपूतको निधनपछि बलिउड कलाकार लागुऔषध सेवनको आरोपमा एनसीबीको निसानामा परेका छन् ।

लागुऔषध प्रकरणमा एनसीबीले अभिनेता अर्जुन रामपालसहित अभिनेत्रीहरु दीपिका पादुकोण, साराअली खान, श्रद्धा कपुर र रिया चक्रवर्तीसँग सोधपुछ गरिसकेको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्