असई विक हत्याकाण्डमा मुछिएका राज्यमन्त्री शर्मा सधारण तारेखमा रिहा

साउन २८, २०७५ सोमबार १८:३१:३१ | धनवीर महतो

महोत्तरी – प्रदेश नम्बर २ का सामाजिक विकास राज्यमन्त्री अभिराम शर्मालाई जिल्ला अदालत महोत्तरीले सधारण तारेखमा रिहा गरेको छ ।

सोमबार बिहानको समयमा अदालतमा आत्मसम्पर्ण गरेका राज्यमन्त्री शर्मालाई महोत्तरी जिल्ला अदालतको १ नम्बर बेन्चले साधारण तारेखमा रिहा गरेको हो । जिल्ला अदालत महोत्तरीका मुख्य न्यायाधिश व्रजेश प्याकुरेलको इजलासले २ बजेसम्म बयान लिएको र बयानसम्पन्न भएलगतै थुनछेक बहस भएको थियो ।

सशस्त्र प्रहरीका असई थमन बिकको हत्याको आरोपीलाई पक्राउ गर्नका लागि उच्च अदालत जनकपुरले जिल्ला प्रहरी कार्यालय महोत्तरीको नाममा परमादेश जारी गरेको थियो । सो परमादेश जारी भएको सोमबार १३ औं दिनमा राज्यमन्त्री शर्मा अदालतमा उपस्थित भई आत्मसम्पर्ण गरेका हुन् ।

मधेश आन्दोलन जारी रहेको समयमा गएको भदौ २५ गते घाइते अवस्थामा रहेको सशस्त्र प्रहरीका असई बिकलाई एम्बुलेन्समार्फत उपचारको लागि जनकपुर ल्याउँदै गरेको अवस्थामा एम्बुलेन्सबाट थुतेर बिकको हत्या गरिएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्