नेकपा र सरकारको नेतृत्व लिन पार्टीको युवा पुस्ता तयार छ : मन्त्री पुन

मंसिर १५, २०७७ सोमबार १७:८:२२ | माधवकुमार ओली

काठमाण्डाै – सत्तारुढ नेपाल कम्युनिस्ट पार्टी (नेकपा) का दोस्रो र तेस्रो तहका नेताहरूले दुई अध्यक्षले नेतृत्व हस्तान्तरण गरे आफूहरू नेतृत्व गर्न तयार रहेको बताउन थालेका छन् ।

गएको शनिबार बसेको सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले आफू तल्लो तहका नेताहरूलाई नेतृत्व हस्तान्तरण गर्न तयार रहेको र अर्का अध्यक्ष प्रचण्डले पनि त्यो त्याग गर्न तयार रहनुपर्ने भन्दै लिखित प्रस्ताव पेस गर्नुभएको छ । त्यसलगत्तै दोस्रो र तेस्राे तहका नेताहरू नेतृत्व लिन आफूहरू तयार रहेको बताउन थालेका हुन् ।

रोल्पाको लाँकुरीमा बनेका सबस्टेशन उद्घाटन कार्यक्रममा ऊर्जा, जलस्रोत तथा सिँचाइमन्त्री वर्षमान पुनले नेकपा र सरकारको नेतृत्व लिन पार्टीको युवा पुस्ता तयार रहेको बताउनुभएको छ । दुवै अध्यक्षले सहमतिका साथ अब पार्टी र सरकारको नेतृत्व युवा वा दोस्रो पुस्तालाई दिन तयार भएमा आफूहरू नेतृत्व लिन तयार र सक्षम रहेको उहाँको भनाइ छ ।

नेकपाभित्रको अहिलेको विवादले केही अफ्ठ्यारो स्थिति देखिए पनि पार्टीभित्र छलफल र बहस हुँदा यसले पार्टीलाई नै फाइदा हुने मन्त्री पुनको भनाइ छ । बहस हुँदैमा पार्टी फुट्ने या सरकार विगघन हुने चिन्ता लिनु नपर्ने भन्दै मन्त्री पुनले अहिले उठेका बहसलाई निष्कर्षमा पुर्‍याएर पार्टीलाई थप बलियो बनाउनुपर्नेमा जोड दिनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्