ताप्लेजुङकाे सिरिजङ्घा गाउँपालिकाले कक्षा ११ र १२ का विद्यार्थीलाई निःशुल्क पढाउने

माघ १, २०७७ बिहीबार २०:३८:२४ | केशवप्रसाद भट्टराई

ताप्लेजुङ – ताप्लेजुङको सिरिजङ्घा गाउँपालिकाले कक्षा ११ र १२ मा अध्ययनरत विद्यार्थीका लागि निःशुल्क पढ्ने व्यवस्था मिलाएको छ । गाउँपालिका क्षेत्रभित्रका विद्यालयमा कक्षा ११ र १२ मा अध्ययन गर्ने विद्यार्थीले निःशुल्क पढ्न पाउने भएका हुन् ।

सिरिजङ्घा गाउँपालिकाका पाँच वटा विद्यालयमा कक्षा ११ र १२ को पढाइ भइरहेको छ । ती विद्यालयमा पढ्ने झण्डै सात सय विद्यार्थीले निःशुल्क पढ्न पाउने भएका हुन् ।
गाउँपालिकाले ‘निःशुल्क शिक्षा, हामी सबैको इच्छा’ कार्यक्रम सञ्चालन कार्यविधि २०७७ पारित गरेर कार्यान्वयन गराएको हो ।

संविधानमा व्यवस्था भएको शिक्षासम्बन्धी मौलिक हकको कार्यान्वयन गर्दै आफ्नो क्षेत्रका नागरिकलाई स्थानीय पालिकाको प्रत्यक्ष उपस्थितिको बोध गराउने उद्देश्यले यस व्यवस्था गरिएको गाउँपालिकाका अध्यक्ष टीकाराम गुरुङले बताउनुभयो । भर्ना शुल्क, रजिस्ट्रेशन र परीक्षा दस्तुरबापत वार्षिक एक हजार पाँच सय र मासिक शुल्क चार सय गरि ६ हजार ३ सय रुपैयाँ सम्बन्धित विद्यालयमार्फत उपलब्ध गराउने बताइएको छ ।

यस गाउँपालिकाका हरेक विद्यालयमा अध्ययनरत कक्षा एकदेखि पाँचसम्मका बालबालिकालाई भने बर्सेनि पोसाक र झोला निःशुल्क उपलब्ध गराइँदै आएको छ । गाउँपालिकाभित्र अहिले कक्षा एकदेखि पाँचसम्म अध्ययन गर्ने विद्यार्थीको सङ्ख्या एक हजार ६ सय नौ रहेको छ । पोसाक, विद्यालय लैजाने झोला र जुत्ताका लागि एक विद्यार्थीका लागि वार्षिक दुई हजार पाँच सय रुपैयाँ खर्च हुने प्रमुख प्रशासकीय अधिकृत सन्तोष घिमिरेले बताउनुभयो । साथै कक्षा १० का सबै विद्यार्थीलाई आवश्यक विषयमा तयारी कक्षासमेत दिइने व्यवस्था गरिएको गाउँपालिकाले जनाएको छ ।

गाउँपालिकाका कुनै पनि बालबालिका शिक्षाबाट बञ्चित हुन नपरोस् भनेर शैक्षिक क्षेत्रको उत्थान र विकासमा जोड दिइएको गाउँपालिकाका अध्यक्ष टीकाराम गुरुङले बताउनुभयो ।

प्राविधिक विषय पढ्ने गाउँपालिकाभित्रका आठ विद्यार्थीलाई पूर्ण छात्रवृत्तिमा पढाइँदै आएको प्रशासकीय अधिकृत घिमिरेले बताउनुभयो । एक विद्यार्थीले पढिसक्दा झण्डै पाँच लाख रुपैयाँ खर्च हुने उहाँले बताउनुभयो ।

गाउँपालिकाले ११ र १२ मा निःशुल्क शिक्षा दिने अभियानसँगै अभिभावक तथा विद्यार्थी उत्साहित भएका सिनाम माविका शिक्षक तुलसी पोख्रेलले बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्