सांसद हसिना खानद्वारा शपथ ग्रहण
बैशाख ७, २०८१ शुक्रबार
कैलाली – नेपाल कम्युनिस्ट पार्टी नेकपाको प्रचण्ड-नेपाल समूहले सुदूरपश्चिम प्रदेशको राजधानी धनगढीमा विरोध सभा गरेको छ ।
सभामा नेकपा प्रचण्ड-नेपाल समूहका अध्यक्ष माधवकुमार नेपालले केपी ओली अस्ताउँदो सूर्य भएको टिप्पणी गर्दै अब ओली युगको अन्त्य भएको बताउनुभयो । निर्वाचन आयोगले ओलीले विस्तार गरेको केन्द्रीय सदस्यलाई नकारेको भन्दै उहाँले आफूहरुले ल्याएको गणतन्त्र, संघीयता, लोकतान्त्रिक तथा समावेशीकरण ओलीले समाप्त पार्न खोजेको आरोप लगाउनुभयो ।
कञ्चनपुरमा भएको निर्मला पन्तको बलात्कार र हत्याको विषयलाई उठाउँदै नेता नेपालले बलात्कारीलाई दण्डित गर्ने कुरा पार्टीमा बारम्बार उठाउँदा पनि सरकारले नसुनेको बताउनुभयो । यस्तै कार्यक्रममा समूहका अर्का अध्यक्ष पुष्पकमल दाहाल प्रचण्डले केपी शर्मा ओलीले संविधान विपरित प्रतिनिधि सभा विघटन गरेर आफैमाथि कलङ्कको टीका लगाएको टिप्पणी गर्नुभयो ।
संसद बोलाएर ओली माथी कारबाही गर्ने तागत आफूहरुमा भए पनि अदालतमा मुद्धा रहेकोले त्यसो नगरेको भन्दै प्रचण्डले अदालतमाथि भरोसा रहेको बताउनुभयो ।
सीताराम ओझा कैलालीका उज्यालाे सहकर्मी हुनुहुन्छ ।