रामेछापको उच्च लेकाली भूभागमा हिमपात, जनजीवन प्रभावित

माघ २५, २०७७ आइतबार १३:३८:७ | दीपक भट्ट

रामेछाप - रामेछापको उच्च लेकाली भूभागमा हिमपात परेसँगै त्यस क्षेत्रमा बसोबास गर्दै आएका नागरिकको जनजीवन प्रभावित भएको छ ।

जिल्लाको उच्च लेकाली भूभागमा शनिवारबाट हिमपात सुरु भएको हो । विगत वर्षहरुमा हिउँदमा समयमा नै वर्षात हुने र हिमपात पनि हुने गर्थ्याे । यसवर्ष भने ढिलो गरेर वर्षात र हिमपात भएको छ । रामेछापको उच्च लेकाली भूभाग उमाकुण्ड गाउँपालिकाको गुम्देल, वाम्ती, देउराली, चुचुरेलगायतको क्षेत्रमा हिमपात भएको छ ।

त्यसैगरी दोरम्बा गाउँपालिकाको गौश्वारा, डडुवाको शैलुङ र खोलाखर्क क्षेत्रमा भीषण मात्रामा हिमपात भएको हो । हिमपात भएसँगै त्यस क्षेत्रको जनजीवन प्रभावित भएको दोरम्बा गाउँपालिका वडा नं-१ डडुवाका दावा शेर्पाले जानकारी दिनुभयाे । उहाँले भन्नुभयाे- 'गएको वर्षभन्दा यस वर्ष धेरै ढिलो गरी हिउँ पर्याे । अहिले शैलुङ क्षेत्रमा हिमपात भएसँगै हिउँमा खेल्न आउने आन्तरिक पर्यटकहरुको संख्यामा उल्लेख्य वृद्धि भएको छ ।'

उच्च लेकाली भूभागमा वर्षातसँगै हिमपात भएपछि त्यस क्षेत्रमा रहेका चौरीगाईहरु अहिले बेँसी भूभागमा सारिएको छ । हिमपातका कारण चरन क्षेत्रसमेत प्रभावित भएको र अत्याधिक मात्रामा चिसो बढेकाले चौरीहरु बेँसीमा सारिएको त्यस क्षेत्रका चौँरीपालक किसानहरुले बताएका छन् ।

लेकाली भूभागमा वर्षात र हिमपातसँगै अत्याधिक मात्रामा चिसो बढेपछि त्यस क्षेत्रका सामुदायिक विद्यालयहरु समेत प्रभावित भएका छन् । अत्याधिक चिसोका कारण विद्यालयमा अध्ययनरत साना बालबालिकाहरु विद्यालयमा आउन छाडेका हुन् । चिसो बढी भएकाले जेष्ठ नागरिक, साना बालबालिका, सुत्केरी महिला र दीर्घरोगीहरु बढी मात्रामा प्रभावित भएको उमाकुण्ड गाउँपालिका वडा नं-१ गुम्देलका नोर्बु शेर्पाले जानकारी दिनुभयाे ।

चिसोबाट बच्न न्यानो कपडा लगाउने, घरबाट बाहिर ननिस्कने र झोलिलो तातो खानेकुरा खादा जेष्ठ नागरिक, सुत्केरी महिला र साना बालबालिकाहरुलाई चिसोबाट जोगाउन सकिने तामाकोशी अस्पतालका डा.केशव धामीले जानकारी दिनुभयाे । उहाँले भन्नुभयो- 'साना बालबालिका, जेष्ठ नागरिकहरु र दमका बिरामीहरुलाई बढी मात्रामा चिसोले असर पुर्याउने भएकाले चिसोबाट जोगिने उपायहरु अपनाउनु पर्छ।'

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्