रामेछापमा आगलागीमा परेर एक जनाकाे ज्यान गयाे

माघ २७, २०७७ मंगलबार १०:५६:३३ | दीपक भट्ट

रामेछाप - रामेछापको गोकुलगङ्गा गाउँपालिका-२ ठोसेको चौरपातलका किपाले शेर्पाको घरमा आगलागी हुँदा एकजनाको ज्यान गएको छ ।

किपा शेर्पाकी ८० वर्षकी आमा पासाङ लेगी शेर्पाको ज्यान गएको जिल्ला प्रहरी कार्यालय रामेछापले जनाएको छ । ढुङ्गामाटोले बनेको एक तले घरमा रहेको भान्सामा बालेको आगो सल्कँदा घर जलेर नष्ट भएको छ ।

घरभित्र रहेका सबै सामान जलेका र ४ लाख रुपैयाँभन्दा धेरैको क्षति भएको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिनुभयो ।

अन्तिम अपडेट: बैशाख १४, २०८१

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

रामेछापमा आगलागीमा परेर एक जनाकाे ज्यान गयाे

तपाईको प्रतिक्रिया