१० हजार फूलका बिरुवा उत्पादन गर्दै हेटौँडा उपमहानगरपालिका

चैत १३, २०७७ शुक्रबार १९:३८:३९ | हरि हुमागाईं

मकवानपुर – हेटौँडा उपमहानगरपालिकाले हेटौँडा बजार र आसपासका क्षेत्रमा फूल रोप्ने अभियानलाई अझै तीव्र पार्नका लागि आफै नर्सरी स्थापना गरेर फूल उत्पादन गर्न थालेको छ । चालु आर्थिक वर्षको अन्त्यसम्ममा फूलका बिरुवा रोप्न सक्ने गरी १० हजार फूलका बिरुवा उत्पादन गर्न लागिएको उपमहानगरपालिकाका मेयर हरिबहादुर महतले बताउनुभयो ।

हेटौँडा बजार क्षेत्र र आसपासका सडक पेटीमा फूलैफूलले ढकमक्क पार्ने योजनाअनुसार महँगो मूल्यमा फूलका बिरुवा खरिद गर्नुभन्दा पनि आफै उत्पादन गरेर रोप्न लागिएको मेयर महतले बताउनुभयो ।

हेटौँडालाई फूलैफूलको सहरका रूपमा विकास गर्न अन्यत्रबाट खरिद गर्नुभन्दा पनि आफै फूलका बिरुवा उत्पादनका लागि नर्सरी तयार गरिएको हो ।

उपमहानगरपालिकाले सडक पेटीमा रोप्ने गरेका फूलका बिरुवा चोरी भएका कारण त्यही ठाउँमा दोस्रो, तेस्रो पटकसमेत बिरुवा रोप्नुपर्ने बाध्यता परेको छ । महँगो बिरुवा चोरी हुँदा समस्या भएकाले पनि आफ्नै नर्सरीबाट उत्पादित बिरुवा रोप्ने गरी काम थालिएको मेयर महतले बताउनुभयो ।

अहिले हेटौँडा बजार क्षेत्रका माछाप्लान, नगरपालिका रोडअन्तर्गत मकवानपुर क्याम्पस अगाडि, कान्ति लोकपथको डिभाइडरमा कल्की फूल फुलेर बजारको सुन्दरता थपिएको छ । नगरवासीका घर अगाडि फूलका बिरुवामा पानी हालेर हुर्काउने लगायतका सबै काम पालिकाले भन्दा पनि पानी हाल्ने, गोडमेल गर्ने काम घरधनीले गर्नका लागि उपमहानगरपालिकाले आग्रह गरेको छ ।

प्रत्येकले आफ्नाे घर अगाडि भएका बिरुवा हुर्काउने र पानी हाल्ने, गोडमेल गर्ने काम गर्ने हो भने सबैतिर फूलैफूलको सहर बनाउने अभियान सफल हुने मेयर महतले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्