‘हाइ-भोल्टेज’ करेन्ट प्रवाह हुँदा एक जनाको ज्यान गयो, १५ घाइते

वैशाख ४, २०७८ शनिबार १८:४६:२७ | सन्ताेष रुचाल

धनकुटा – धनकुटाको महालक्ष्मी नगरपालिका–४ चानुवामा शनिबार विद्युत लाइनमा ‘हाइ-भोल्टेज’ प्रवाह हुँदा करेन्ट लागेर एक जनाको ज्यान गएको छ भने १५ जना घाइते भएका छन् ।

बिहान करिब ११ बजे महालक्ष्मी नपा–४ चानुवाका भुतडाँडा, नेवारगाउँ, जिमी गाउँ लगायत क्षेत्रको विद्युत् लाइनमा ‘हाइ-भोल्टेज’ करेन्ट प्रवाह भएको हो । करेन्ट लागेर महालक्ष्मी नपा–४ चानुवा भुतडाँडाका चन्द्रबहादुर कार्कीको घटनास्थलमै ज्यान गएको जिल्ला प्रहरी कार्यालय धनकुटाका प्रहरी उपरीक्षक एसपी गोविन्द अधिकारीले बताउनुभयो । मोबाइल चार्ज गर्ने क्रममा विद्युत् लाइनमा हाइ-भोल्टेज प्रवाह भएर करेन्ट लाग्दा कार्कीको घटनास्थलमै ज्यान गएको हो ।

करेन्ट लागेर नेवार गाउँका ५५ वर्षीया बमकुमारी श्रेष्ठ, ६१ वर्षीय पदमबहादुर श्रेष्ठ, ९ वर्षीया सावित्रा निरौला र जिमी गाउँका ६ वर्षीय लाजिहाङ्ग जिमी घाइते भएका छन् । टिभीको प्लग जोड्ने क्रममा जिमीलाई करेन्ट लागेको हो भने बाँकी ३ जनालाई मोबाइल चार्ज गर्ने क्रममा करेन्ट लागेको हो । उनीहरुलाई उपचारका लागि तत्काल धरानमा रहेको बीपी कोइराला स्वास्थ्य विज्ञान प्रतिष्ठान पठाइएको छ ।

बाँकी ११ जनामध्ये ५ जनालाई पनि उपचारको लागि धरान पठाएको छ भने अन्यको स्थानीय स्वास्थ्य चौकीमा उपचार भइरहेको छ । वर्षासँगै आएको हावाहुरीका कारण त्यस क्षेत्रमा दुई दिनदेखि बिजुली थिएन । बिजुली आउनासाथ विद्युतीय सामग्री चार्ज गर्ने क्रममा धेरैलाई करेन्ट लागेको हो ।

‘हाइ-भोल्टेज’ करेन्ट प्रवाह हुँदा धेरै घरमा मोबाइल, टिभीलगायत सामग्री जलेका छन् । क्षतिको यकिन विवरण आउँन बाँकी छ । यता, कसरी हा-इभोल्टेज गयो भन्ने विषयमा अनुसन्धान भइरहेको विद्युत प्राधिकरण धनकुटा वितरण केन्द्रका प्रमुख दीपक सापकोटाले बताउनुभयो ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्