धनकुटा : असिना पानीले तरकारी बालीमा पुर्‍याएकाे क्षतिकाे विवरण पेस गर्न सूचना जारी

वैशाख ५, २०७८ आइतबार १५:५६:१५ | सन्ताेष रुचाल

धनकुटा – धनकुटाको छथर जोरपाटी गाउँपालिकाले गएको वैशाख २ गते परेको असिना पानीका कारण तरकारी बालीमा पारेको क्षतिको विवरण पेस गर्न किसानलाई सूचना जारी गरेको छ ।

गाउँपालिकाको कृषि शाखाले पाँच दिनको समय सीमा तोकेर असिना पानीबाट भएको क्षतिको फोटोसहितको विवरण बुझाउन सबै वडामा सूचना प्रवाह गरेको शाखाका प्रमुख मिलन कार्कीले बताउनुभयो । असिना पानीले बाली नष्ट गरेसँगै गाउँपालिकाका उपाध्यक्ष भीमकला श्रेष्ठको नेतृत्वमा क्षतिको विवरण सङ्कलन गर्ने काम भइरहेको छ ।

अहिलेसम्म गाउँपालिकाको वडा नं. ६ मजुवा, नाम्जाङ, वडा नं. २ को सल्ले, वडा नं. १ हात्तीखर्कको पिङडाँडा, फलाँटे क्षेत्रमा सर्वेक्षण गरिएको छ । प्रारम्भिक सर्वेक्षणअनुसार अहिलेसम्म १५ करोड रुपैयाँ बराबरको तरकारी बालीको क्षति भएको विवरण प्राप्त भएको गाउँपालिकाका कृषि तथा भेटेनरी शाखाले जनाएको छ । सङ्कलन भएका विवरणहरू गाउँपालिकाको आर्थिक समितिमा पेस गरिने भेटेरेनरी शाखाका प्रमुख राजकुमार राईले जानकारी दिनुभयाे ।

वैशाख २ र ३ गते दिउँसो असिनासहित परेको पानीले छथर गाउँपालिकाको सिधुवा बजार क्षेत्रमा किसानले लगाएका तरकारी बाली नष्ट गरेको थियो ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्