‘तपाईंको मास्क खोइ ?’

वैशाख ८, २०७८ बुधबार ११:४०:४४ | जनार्दन घिमिरे

गुल्मी – कोरोनाबाट उत्पन्न सङ्कटलाई रोक्नका लागि जिल्ला कोभिड १९ सङ्कट व्यवस्थापन केन्द्र गुल्मीले आजदेखि ‘तपाईंको मास्क खोइ ?’ अभियान सुरु गरेको छ ।

विश्वभर फैलिएको कोरोना भाइरसको दोस्रो लहर अन्तर्गत नयाँ प्रजातिको गुल्मीमा पनि सङ्क्रमण देखिएसँगै आम नागरिकलाई स्वास्थ्य सुरक्षाको मापदण्ड अपनाउन आग्रह गर्दै यो अभियान सुरु गरिएको प्रमुख जिल्ला अधिकारी रुद्रादेवी शर्माले बताउनुभयो ।

प्रमुख जिल्ला अधिकारी शर्माको नेतृत्वमा सुरु गरिएको अभियानमा जिल्ला समन्वय समितिका प्रमुख लक्ष्मण पराजुली, जनप्रतिनिधि, राजनीतिक दलका प्रमुख तथा प्रतिनिधिहरु र सुरक्षा निकाय लगायतको टोलीले नि:शुल्क रुपमा मास्क उपलब्ध गराएर ‘तपाईंको मास्क खोइ ?' अभियान सुरु गरेका थिए ।

कोरोनाको महामारीबाट आफू पनि बचौं र अरुलाई पनि बचाऔं, साबुन पानीले बेलाबेलामा हात धुने बानी बसालौं अत्यावश्यक कामबाहेक कोही पनि घर बाहिर ननिस्कौं, भीडभाड नगरौं लगायतका नाराहरु लेखिएका प्लेकार्ड सहित प्रभातफेरीको आयोजना गरि कार्यक्रमको शुरुवात गरिएको थियो ।

पछिल्लो समयमा गुल्मीमा १६ जना व्यक्तिमा कोरोना भाइरसको सङ्क्रमण देखिएको भन्दै प्रमुख जिल्ला अधिकारी शर्माले सबैलाई सतर्क र सचेत रहँदै सुरक्षाका मापदण्ड अपनाउन आग्रह गर्नुभयाे । यस्तै जिल्लामा कोही कसैले पनि मास्क लगाउन अटेरी गरेमा कारबाही गरिने जिल्ला कोभिड १९ सङ्कट व्यवस्थापन केन्द्र गुल्मीले जनाएको छ ।

जिल्लामा पछिल्लो तथ्यांक अनुसार महिला ४ र पुरुष १२ गरि १६ जनामा कोरोना सङ्क्रमण देखिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्