ट्याक्सी ड्राइभरले रुचाएनन् ज्याकेट : माइक्रो र ठूला बसमा पनि लागू हुने

भदौ ७, २०७५ बिहीबार ६:३७:३४ | बेदानन्द जाेशी

काठमाडौं – मकवानपुरका टंकबहादुर थापा मगर बुधबार एकाबिहानै पहेंलो ज्याकेट लगाएर आफ्नो ट्याक्सी सफा गर्दै हुनुहुन्थ्यो ।

ट्राफिक प्रहरी महाशाखाले यस्तो ज्याकेट लगाउनैपर्ने नियम लागू गरेपछि उहाँले तीनसय रुपैयाँमा ज्याकेट किन्नुभयो र लगाउनुभयो । तर पनि उहाँ खुशी भने देखिनु भएको थिएन । उहाँले भन्नुभयो, ‘के गर्ने, नियम लगाएपछि मान्नै पर्यो । खाली गर्मी मात्र गर्छ, काम केही छैन यो ज्याकेटको ।’

यस्तै अर्का ट्याक्सी चालक सन्तोष मैनालीले पनि यो नियमबारे असन्तुष्टि जनाउनुभयो । उहाँले भन्नुभयो, ‘ट्राफिक प्रहरीले लगाएका कुन नियमको पालना भएको छ ? यसको पनि त्यस्तै अवस्था त हुने होला नि । ज्याकेट लगाएर काठमाडौंको जामै रोकिन्छ भने म लगाइदिन्छु बरु ।’

बुधबारदेखि ट्याक्सी चालकले अनिवार्य रुपमा चालकको पहिचान झल्काउने फ्लोरेसेन्ट ज्याकेट लगाउनुपर्ने नियम लागू भएको छ । ट्राफिक प्रहरी महाशाखाका प्रमुख एसएसपी वसन्त पन्तले सबै ट्याक्सी चालकलाई फ्लोरेसेन्ट ज्याकेट लगाउन निर्देशन दिएको बताउनुभयो ।

ट्याक्सी महासंघ र महानगरीय ट्राफिक प्रहरीको आपसी निर्णयमा यस्तो ज्याकेट लगाउनुपर्ने नियम लागू गरेको पन्तले जानकारी दिनुभयो । यसले यात्रु र विशेष गरी विदेशी पर्यटकहरुलाई चालकको पहिचान गर्न सहज हुने उहाँले बताउनुभयो ।

यसबाट चालकहरु आफ्नो पेशाप्रति उत्तरदायी हुने पनि पन्तले दावी गर्नुभयो । पहिलो एक महिनामा नियम पालना नगर्ने चालकलाई सचेत गराउने र त्यसपछि पनि नमाने कानुनी कारबाही अघि बढाइने महाशाखाले जनाएको छ । हाल यातायात व्यवस्था कार्यालय, बागमती मातहत ११ हजार ट्याक्सी चालक रहेका छन् ।

अहिले ट्याक्सीमा मात्र लागू गरिएको यो नियम उपत्यकाका सबै बसहरु कम्पनीमा दर्ता भएपछि बसमा र माइक्रोमा पनि लागू हुने पन्तले जानकारी दिनुभयो ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बेदानन्द जाेशी

उज्यालाेमा कार्यरत बेदानन्द जाेशी वैदेशिक रोजगारी र समसामयिक विषयमा कलम चलाउनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्