विश्वासको मत दिनुस्, संसद् विघटन हुँदैन : प्रधानमन्त्री ओली

वैशाख २७, २०७८ सोमबार १६:४४:४० | उज्यालो सहकर्मी

काठमाण्डौ – प्रधानमन्त्री केपी शर्मा ओलीले आफूलाई विश्वासको मत दिएमा प्रतिनिधि सभा फेरि विघटन नहुने बताउनुभएको छ । प्रतिनिधि सभाको विशेष अधिवेशनमा प्रतिपक्षी दलका नेताहरूलाई जवाफ दिँदै उहाँले आफूलाई विश्वासको मत दिएमा प्रतिनिधि सभा फेरि विघटन नहुने बताउनुभएको हो ।

उहाँले संसद्को स्थायित्वका लागि आफूलाई मतदान गरी संसदलाई बचाउन पनि आग्रह गर्नुभयो । उहाँले भन्नुभयो, ‘संसद् विघटन होला कि भन्ने चिन्ता छ । मत दिनुहोस् न कसरी विघटन हुन्छ ?’

ओलीले आफू सबैभन्दा ठूलो, धेरै जनमत र सिट भएको पार्टीको हैसियतले आफूले सरकारको नेतृत्व गर्ने हक राख्ने बताउनुभयो । उहाँले नेपाल–खनाल पक्षका सांसदहरू सदनमा उपस्थिति नभएको कुरा पनि आफूले बुझेको बताउनुभयो ।

नागरिकमा भ्रम फैलाउने काम भएको भन्दै उहाँले खोप आयातमा अर्थहिन प्रश्न उठाएको आरोप लगाउनुभयो । खोप आयात र स्वास्थ्य सामग्री खरिदका क्रममा भ्रष्टाचार भएकोबारे जवाफ दिँदै उहाँले प्रमाणसहित आफूलाई जानकारी गराए कारबाही गर्ने बताउनुभयो ।

उहाँले आवेश, उत्तेजना र झुट जालझेलको राजनीति नगर्न सचेत गराउनुभएको हो । कोभिड–१९ सङ्क्रमणको जोखिममा देश परिरहेका बेला मिलेर अघि बढ्नुपर्ने बेलामा तनाव बढाउने, अनेकतातर्फ देशलाई लैजाने परिस्थिति नभएकाे उहाँले बताउनुभयाे । उहाँले नेपालको राजनीति माखे साङ्लो जस्तो भएको भन्दै देशलाई बनाउने किसिमको राजनीति गर्न सबैलाई सुझाव दिनुभयो ।

अन्तिम अपडेट: पुस २४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्