उपचुनाव : अत्यावश्यक र पास भएका गाडी निर्बाध चलाउन पाइने
बैशाख १४, २०८१ शुक्रबार
काठमाण्डाै – राष्ट्रिय जनमोर्चाका नेता कृष्ण थापालाई प्रदेश सभा सदस्य पदमा पुनर्बहाली गर्न सर्वोच्च अदालतले अन्तरिम आदेश दिएको छ । पार्टीको निर्देशन नमानेको भन्दै जनमोर्चाले थापालाई पार्टी सदस्यता र प्रदेश सभा सदस्य पदबाटै हटाएको थियो । तर आज न्यायाधीश कुमार चुडालको इजलासले थापालाई पार्टीले राजनीतिक दलसम्बन्धी कानुन र व्यावहारिक कारणले पदबाट हटाउन नसक्ने भएकाले पुर्नबहाली गर्न आदेश दिएको हो ।
आज अदालतले थापाको पद पुनर्बहाली गरिदिएसँगै गण्डकी प्रदेशमा फेरि पनि सरकार बन्न नसक्ने देखिएको छ । गण्डकीमा सरकार बन्न ३१ मत चाहिनेमा एमालेसँग २८ मत रहेको छ । कांग्रेस, माओवादी र जनमोर्चाको ३१ मत पुग्नका लागि आज पुनर्बहाली पाएका थापाले साथ दिनुपर्छ तर थापाले आफूले कुनै हालतमा पनि कांग्रेससहितको गठबन्धनलाई साथ नदिने बताउनुभएको छ ।
सम्बन्धित समाचार
उज्यालोसँगको कुराकानीमा थापाले आफ्नो पुरानो अडान कायमै रहेको र कुनै पनि हालतमा कांग्रेससँगको गठबन्धन मान्य नहुने बताउनुभयो । सत्तामा जान पाइयो भन्दैमा कम्युनिस्ट सिद्धान्त भुल्नेहरूलाई आफूले जवाफ दिएको थापाको भनाइ छ ।
‘हामी आफूलाई कम्युनिष्ट भन्ने, हाम्रा आफ्नै सिद्धान्त पनि छन्, कांग्रेसलाई हामीले वैचारिक रूपमा शत्रुजस्तै मानेका छौँ तर सत्तामा जान पाइयो भन्दैमा जुकाजस्तो टाँसिने प्रवृत्ति देखियो, त्यसलाई म कदापि साथ दिन्नँ’, प्रदेश सभा सदस्य थापाले भन्नुभयो ।
आफूलाई पद र पैसाको लोभ नभएको भन्दै उहाँले वैचारिक अडान नछाड्ने बताउनुभयो । कांग्रेसबाहेकको सरकार गठन हुन सक्ने अवस्था आएमा आफूले विचार गर्न सक्ने थापाको भनाइ छ ।
Shambhu Gautam
June 7, 2021, 6:27 a.m.सत्तामा रहन जसपा संग जोदिनेलाई नी?
तेन्जिङ्ग
June 6, 2021, 8:03 p.m.ओई कृष्णे कती खाईस् ??