आठ महिने बालिका खोज्न पसल बन्द गरेर निस्के व्यापारी

भदौ ११, २०७५ सोमबार १३:३७:२७ | धनवीर महतो

महोत्तरी – दिनदहाडै बालिका अपहरण भएको भन्दै स्थानीयहरुले महोत्तरीको औरही बजार बन्द गरी बालिका खोज्नका लागि लागिपरेका छन् ।

औरही नगरपालिका–१, मा पर्ने औरही चोकमा सञ्चालित सिद्धान्त फेन्सी स्टोर्सबाट ८ महिने बालिका अपहरण भएको भन्दै उद्योग वाणिज्य संघको आब्हानमा यहाँका व्यापारी एवम् व्यवसायीहरु बजार बन्द गरी बालिका खोज्नमा व्यस्त भएका छन् ।

स्थानीय व्यापारी श्रवण चौधरीका अनुसार आफूहरुले बिहानैदेखि व्यवसाय बन्द गरेर बालिकाको खोजीमा निस्किएको जनाएका छन् । आइतबार साँझको समयमा औरही १ मा सञ्चालित सिद्धान्त फेन्सी स्टोर्सका संचालक सन्तोष चौधरीका ८ महिने छोरी सोनाली चौधरीलाई नचिनेको व्यक्तिले खेलाउन लैजान्छु भन्दै अपहरण गरेको जिल्ला प्रहरी कार्यालय महोत्तरीले जनाएको छ ।

यता बालिका अपहरणमा परेपछि बालिकाकी आमा छिनछिनमा मुर्छित हुँदै आएकी छिन् । यस सम्बन्धमा महोत्तरीका प्रहरी उपरीक्षक इश्वर कार्कीले अपहरित बालिकाको खोजी गर्नका लागि प्रहरी परिचालन भइसकेको जनाएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्