बिमस्टेकको लागि नेपाली आकाश पनि बन्द हुने, कुन दिन कति घन्टा बन्द ?

भदौ ११, २०७५ सोमबार १७:९:३ | उज्यालो सहकर्मी

काठमाडौं – बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास विम्स्टेक बैठक आउँदो बिहीबार र शुक्रबार काठमाडौंमा हुँदैछ ।

सम्मेलनको लागि भारत,बंगलादेश, भुटान,श्रीलंका,थाइल्याण्ड र म्यानमारका राष्ट्र प्रमुख काठमाडौं आउँदैछन् । उनीहरुको सुरक्षाको लागि सडक मात्र नभएर नेपाली आकाश पनि केही बेर बन्द गरिने भएको छ ।

बिमस्टेकको लागि भोलिदेखि नै अति विशिष्ट अर्थात भीभीआईपी पाहुना काठमाडौं आउँदैछन् । सरकारले सुरक्षा संवेदनशीलताका आधारमा विदेशी पाहुना आउँदा आकाशमा अरु जहाज उड्न नदिने भएको छ ।

केही देशका प्रमुख भोलि र पर्सि नेपाल आए पनि भारत, बंगलादेश र थाइल्याण्डका राष्ट्रप्रमुख भने सम्मेलन हुने दिन १४ गते बिहीबार मात्रै काठमाडौै आउँदैछन् । भारतीय प्रधानमन्त्री नरेन्द्र मोदी, बंगलादेशकी प्रधानमन्त्री शेख हसिना र थाइल्याण्डका प्रधानमन्त्री प्रायुट चान ओ चा बिहीबार मात्रै नेपाल आउँदैछन् । त्यसको लागि बिहीबार बिहान ८ बजेदेखि झण्डै ११ बजेसम्म त्रिभुवन अन्तर्राष्ट्रिय विमानस्थलबाट आन्तरिक र बाह्य कुनै पनि उडान नहुने विमानस्थलले जनाएको छ ।

‘१४ गते बिहीबार बिहान ठूला देशका राष्ट्रप्रमुख आउँदै हुनुहुन्छ, त्यसैले हामीले बिहान ८ देखि झण्डै ११ बजेसम्म आकाश बन्द गर्छौँ’ त्रिभुवन अन्तर्राष्ट्रिय विमानस्थलका महाप्रबन्धक राजकुमार क्षेत्रीले उज्यालो अनलाइनसँग भन्नुभयो, ‘त्यो दिनको लागि सबै एअरलाइन्स कम्पनीलाई हामीले शेड्युल मिलाउन भनिसकेका छौँ ।’

त्यस्तै केही राष्ट्रप्रमुख १५ गते नै फर्कने हुनाले त्यो दिन पनि केहीबेर आकाश बन्द हुन सक्ने उहाँले बताउनुभयो । यस्तै केही देशका प्रमुख १६ गते बिहान फर्कने कार्यक्रम रहेकाले १६ गते पनि केहीबेर उडान र अवतरण प्रभावित हुन सक्ने विमानस्थल कार्यालयले जनाएको छ ।

नेपाल आउने भीभीआईपी पाहुनाको लागि सरकारले सुरक्षाको सबै बन्दोबस्त पूरा भएको जनाएको छ । भीभीआईपी पाहुनालाई विमानस्थलबाट कसरी होटलसम्म पुर्‍याउने भन्ने विषयमा सोमबार सर्वसाधारणका लागि सडक बन्द गरेर पूर्वतयारी पनि गरिएको छ । बिमस्टेकका बेला सवारी व्यवस्थापन सजिलोको लागि जोरबिजोर प्रणाली पनि अपनाइएको छ ।

अन्तिम अपडेट: फागुन २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्