नेपाल कम्युनिष्ट पार्टी अर्घाखाँचीको अध्यक्षमा पिताम्बर भुसालको नाम सिफारिस

भदौ १२, २०७५ मंगलबार ७:२०:५४ | प्रेमनारायण आचार्य

अर्घाखाँची – नेपाल कम्युनिष्ट पार्टी अर्घाखाँचीको अध्यक्षमा पिताम्बर भुसाल र सचिवमा तोजबहादुर रायमाझिको नाम सिफारिस भएको छ ।

कार्यदलले बौद्धिक र निष्ठावान नेताको रुपमा जिल्लामा स्थापित भुसालको नाम सर्वसम्मत अध्यक्षमा सिफारिस गरेको छ । उहाँले नेकपाको नेतृत्व गर्ने भएपछि पार्टीको तल्लो तह सम्मका कार्यकर्ता निक्कै उत्साही भएका छन् । त्रिभुवन विश्व विद्यालयबाट समाजशास्त्रमा स्नातकोत्तर गरेका भुसालको आगमनले पार्टी बौद्धिक दिशामा अग्रसर हुने अधिकांशको बुझाइ छ ।

२०५४ सालदेखि निरन्तर जिल्ला कमिटीमा रहेर नेतृत्वदायी भुमिका खेलेका भुसालले नेकपा एमाले जिल्ला कमिटी सचिवालय सदस्य तथा संगठन विभाग प्रमुखको रुपमा रहि लामो समयदेखि काम गर्दै आएका थिए ।

०५४ सालमा २५ वर्षको उमेरमा तत्कालीन बाँगी गाविसको निर्वाचित अध्यक्ष बनेका भुसालले त्यहाँको विकास र जनसेवामा योगदान पु¥याएका थिए ।

तत्कालीन एमाले पदाधिकारीको विरोध

नेकपाको नेतृत्वका लागि पिताम्बर भुसालको नाम सिफारिस भएपछि तत्कालीन नेकपा एमाले भित्र विवाद चुलिएको छ ।

जिल्ला कमिटी भित्र छलफल निर्णय गरिएको भन्दै तत्कालीन एमाले जिल्ला पदाधीकारीको बैठक बसि नेताहरुले तत्काल निर्णय सच्याउन आग्रह गरेका छन् ।

तत्कालीन नेकपा एमालेका कार्यवाहक अध्यक्ष जिवनारायण कोइरालाको अध्यक्षतामा बसेको बैठकले पार्टीको विधी–विधान विपरित र स्थापित मान्यता विपरित मनोमानी ढंगले कार्यदलमा नाम सिफारिस गरिएको भन्दै आपत्ती जनाइएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्