सरोकार नभएका व्यक्तिले दल दर्ता खारेजीको निवेदन दिए : माओवादी केन्द्र

असार २५, २०७८ शुक्रबार १७:३९:२६ | उज्यालो सहकर्मी

काठमाण्डाै – नेकपा माओवादी केन्द्रले निर्वाचन आयोगमा परेको दल दर्ता खारेजीको निवेदनप्रति आफ्नो ध्यानाकर्षण भएको जनाएको छ ।

केन्द्रीय कार्यालयका सचिव श्रीराम ढकालले निकालेको विज्ञप्तिमा सरोकार नभएका व्यक्तिले दल दर्ता खारेजीको निवेदन दिएको र निवेदनबारे माओवादी केन्द्रको ध्यानाकर्षण भएको उल्लेख छ । संविधान, कानुन, विधि विधान विपरीत पार्टीको दुष्प्रचार गरिएको माओवादी केन्द्रले जनाएको छ ।

‘हाम्राे पार्टीसँग कुनै सराेकार नराख्ने व्यक्ति निवेदक रहेकाे र दल दर्ता र दल खारेजीसम्बन्धी सामान्य कानुनी प्रक्रियासमेत जानकारी नभएकाे व्यक्तिले यस्ताे हरकत गर्नु हास्यास्पद देखिन्छ’, विज्ञप्तिमा भनिएकाे छ ।

केही अवसरवादी स्वार्थी लालची अनैतिक तत्त्वले यस प्रकारकाे दुष्प्रचार गरी पार्टीलाई बदनाम गराउन सकिन्छ भन्ने मनसायले त्याे कार्य गर्न गराउन प्रयत्न गरेकाे देखिएकाे माओवादी केन्द्रले जनाएकाे छ ।

गएकाे बुधवार निर्वाचन आयोगमा माओवादी केन्द्रको दल दर्ता खारेजीका लागि निवेदन दर्ता भएको थियो । एमालेमा रहेका माओवादीका नेताहरूले अधिवक्ता सरोज बुढाथोकीमार्फत गएकाे बुधवार आयोगमा माओवादी केन्द्रको दल दर्ता खारेजीका लागि निवेदन दर्ता गराएका थिए ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्