कतारको नयाँ ‘ट्राभल गाइडलाइन’ : काेराेना खाेप लगाएकाे भए पनि अनिवार्य होटल क्वरेण्टीनमा बस्नुपर्ने

 साउन १५, २०७८ शुक्रबार १७:५०:९ | उज्यालो सहकर्मी
unn.prixa.net

काठमाण्डौ – नेपालबाट कतार जाने यात्रुले अनिवार्य रुपमा होटेल क्वरेण्टीनमा बस्नुपर्ने भएको छ । 

कतार सरकारले अगस्ट दुईदेखि लागू हुने गरि नयाँ ट्राभल गाइडलाइन जारी गरेको छ । योसँगै नेपालबाट कतार जाने यात्रुलाई कोरोना विरुद्धको खोप लगाएको भए पनि होटेल क्वरेण्टीन अनिवार्य गरेको कतारमा रहेको नेपाली दूतावासले जनाएको छ । 

योभन्दा पहिले जुलाई १२ देखि कतारले कोरोना खोप लगाएकालाई क्वरेण्टीन बस्नु नपर्ने नियम लागू गरेको थियो । तर पछिल्लो समय कोरोनाको जोखिम बढ्न सक्ने भन्दै कतार सरकारले थप कडाइ गरेको हो ।  नयाँ नियम अनुसार कतारमा दुवै मात्रा खोप लगाएका वा कतारमा कोरोना संक्रमण भइ निको भएका यात्रुहरुको हकमा २ दिन होटल क्वरेण्टीन बस्नुपर्ने दूतावासले जनाएको छ । दोस्रो दिनमा पीसीआर परीक्षण गरी नेगेटिभ नतिजा आएपछि आफ्नो गन्तव्यमा जान पाइने छ ।

यस्तै कतारभन्दा बाहिर जुनसुकै खोप लगाएका वा नलगाएका क्यूआईडी वाहक यात्रुहरूले १० दिन होटल क्वरेण्टीन बस्नुपर्ने हुन्छ । खोप नलगाएका (पारिवारिक, पर्यटक वा बिजनेस भिसा अन्तर्गतका) यात्रुहरूलाई भने कतारमा प्रवेश  गर्न दिइने छैन । यसबारे थप जानकारीको लागि सम्बन्धित एअरलाइन्ससँग सम्पर्क गरेर बुझ्न सकिने दूतावासले जनाएको छ ।

नेपालबाहेक अरु कुनकुन देशको लागि यो नियम लागू गरिने भएको हाे भन्नेबारे दूतावासकाे सूचनामा उल्लेख छैन । कतारका स्थानीय सञ्चार माध्यमले पनि केही खुलाएका छैनन् । तर कतारमा रहेको भारतीय दूतावासले भने भारतसहित केही देशका यात्रुहरुले कतार पुगेपछि अनिवार्य क्वरेण्टीन बस्नुपर्ने भन्दै ट्वीट गरेको छ ।

अन्तिम अपडेट: पुस ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई