ठेकेदारको लापर्बाहीले रोल्पा अस्पताल भवन निर्माणमा ढिलाइ

साउन २७, २०७८ बुधबार १३:१६:४५ | माधवकुमार ओली

राेल्पा – ठेकेदारको लापरबाहीका कारण रोल्पा अस्पतालको भवन निर्माणमा ढिलाइ भएको छ । २०७७ असोजमै बनिसक्नुपर्ने अस्पतालको भवन अहिलेसम्म पनि बनेको छैन । १५ शय्याको रोल्पा अस्पताललाई ५० शय्यामा स्तरवृद्धि गर्ने तयारी भए पनि भवनको अभाव छ ।

भवन बनाउन पटक–पटक ताकेता गर्दा पनि ठेकेदारले विभिन्न बहाना देखाएर काममा ढिलाइ गर्दा अस्पतालको सेवामा समस्या हुँदै आएको छ । भवन अभावका कारण पार्किङ स्थललाई समेत वार्डको रुपमा प्रयोग गर्नुपर्ने बाध्यता रहेको रोल्पा अस्पतालका मेडिकल अधिकृत डा. प्रतिभा सुवेदीले बताउनुभयो ।

भवन निर्माण विभागले पनि कारबाही गर्नुको साटो पटक–पटक म्याद थप गर्दै आएको छ । अहिलेकै गतिमा निर्माण भए अझै दुई वर्षसम्म पनि सम्पन्न हुने अवस्था नभएको भन्दै ठेकेदारलाई दबाव दिन सरोकारवालासँग अस्पतालले आग्रह गरेको छ ।

२९ करोड ५१ लाख २२ हजार रुपैयाँको लागतमा अस्पताल भवन निर्माणको जिम्मा २०७५ साल असोजमा श्री जयन्ती निर्माण कम्पनीले पाएको थियो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्