काठमाण्डौका विभिन्न ठाउँमा आज साढे दुई देखि नौ घण्टासम्म बिजु...
बैशाख ८, २०८१ शनिबार
रोल्पा - रोल्पाकोे रोल्पा नगरपालिका–१० धबाङमा पहिरोले घर पुरिँदा दुई जनाको ज्यान गएको छ ।
गएराति २ बजे घरमाथिबाट आएको पहिरोले पुरिँदा पूर्णबहादुर थापाकी श्रीमती ७० वर्षीया गौरी थापा र छोरीतर्फका नाति ५ वर्षीय हिमाल रोकाको ज्यान गएको जिल्ला प्रहरी कार्यालय रोल्पाका डीएसपी नरेशराज सुवेदीले जानकारी दिनुभयो ।
पहिरोमा परेर थापाकी छोरी भीमकुमारी रोका र ज्वाइँ मनबहादुर रोका घाइते हुनु भएको छ । उनीहरुलाई उपचारका लागि डोकोमा बोकेर सदरमुकाम लिबाङ ल्याइँदै छ । पूर्णबहादुर थापा भने गोठमा सुतेकाले सकुशल रहनुभएका प्रहरीले जनाएको छ ।
रुकुम चुनबाङ घर भएका थापाका छोरी ज्वाइँ विवाह भएदेखि माइतीमै बस्दै आएका थिए । पहिरोले थप दुई घरमा क्षति पुर्याएकाे प्रहरीले बताएको छ । यस्तै जिल्लाकै सुनिलस्मृति गाउँपालिका–४ सुलिचौरमा पार्किङ गरेर राखेको रा १ ख २०६८ नम्बरको बस फगाम खोलाले बगाएको छ भने सुनछहरी गाउँपालिका–७ जेलबाङमा रहेको नैबाङखोला जलविद्युतको नहर बगाएको छ ।
रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।