न्यायाधीशहरूलाई सुवास नेम्वाङकाे आग्रह– सरकारले दिएकाे पदक फिर्ता गरिदिनुस्

असोज ३, २०७८ आइतबार १६:२०:४ | उज्यालो सहकर्मी

काठमाण्डाै – नेकपा एमालेका स्थायी कमिटी सदस्य सुवास नेम्वाङले सरकारले दिएको पदक फिर्ता गर्न न्यायाधीशहरूलाई आग्रह गर्नुभएको छ ।

आज आइतवार सातौँ संविधान दिवस तथा राष्ट्रिय दिवसका अवसरमा नेकपा एमालेले आयोजना गरेको कार्यक्रममा बोल्दै नेता नेम्वाङले केपी शर्मा ओली नेतृत्वको नेकपा एमालेको सरकारकाविरुद्ध भूमिका खेल्ने तथा सर्वोच्च अदालतमा मुद्दा मामिलाको प्रक्रियामा जाने कानुन व्यवसायी, मुद्दाको फैसला गर्ने संवैधानिक इजलासमा बसेका व्यक्तिहरूले सरकारबाट पदक पाएको भन्दै यो काम बेठिक भएको बताउनुभयो । उहाँले तुरुन्तै पदक अस्वीकार गरेको घोषणा गर्न गर्नुभयो ।

स्थायी कमिटी सदस्य नेम्वाङले भन्नुभयो, ‘त्यो सरकारलाई विस्थापित गर्ने र परमादेशबाट सरकार स्थापित भएको घोषणा गर्ने अदालतका सम्बन्धित माननीय न्यायाधीशहरू, त्यो सरकारका विरुद्धमा मुद्दा दर्ता गर्नका लागि पहल र प्रयास गर्ने मुद्दावालाहरू, त्यसका पक्षहरूले मेडल पाउनुभएछ । महत्त्वपूर्ण मेडल । एक जना साथी दिल्लीमा हुनुहुन्थ्यो दिल्लीबाटै पार्टी फुटाउन भूमिका खेल्नुभयो, उहाँले पाउनुभएछ । दुई जना नेताहरू यही रहेर क्रियाशील हुनुहुन्थ्यो उहाँहरूका परिवारका महत्त्वपूर्ण सदस्यहरूले मेडल पाउनुभएछ । हाम्रो पार्टीको सरकारको विरुद्धमा मुद्दा लगाउने साथीहरूले मेडल पाउनुभएछ सँगसँगै कानुन व्यवसायी मित्रहरूले मेडल पाउनुभएछ । त्यो मुद्दाको फैसला गर्ने संवैधानिक इजलासमा बस्नुभएका न्यायाधीशज्यूहरूले मेडल पाउनुभएछ । यसमा म यस्तै भएको हो भनेर आरोप लगाउँदिन । पारि चितुवा करायो वारि सिँगारी हरायो भनेजस्तै यो जुन कार्य भयो, यो संविधान दिवसकै दिनमा सुन्नुपर्दा यो बेठिक भयो भन्ने लाग्यो । म माननीय न्यायाधीशज्यूहरूलाई आदर गर्छु । त्यसैले यो कार्यक्रममार्फत् तपाईँहरूमार्फत म उहाँहरूलाई आग्रह गर्छु– यस्तो सन्देश जान दिनु हुँदैन । यहाँहरूले तुरुन्तै यो दिएको मेडललाई हामी अस्वीकार गर्छाैँ भनेर अस्वीकार गरेको घोषणा गर्दिनुस् । मेरो आग्रह छ ।’

नेता नेम्वाङले केन्द्र तथा प्रदेश सरकारमा समेत सहभागी भएर संसदमा पनि सबै प्रक्रियामा सहभागी भएका राजनीतिक दलहरूले आजको दिन संविधान दिवस नमनाउने भन्ने कुरा नसुहाएको बताउनुभयो । संविधान स्वीकार्य भएको पनि उहाँको भनाइ छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्