डोटीमा सीडीओ र प्रशासकीय अधिकृत नहुँदा सेवा प्रवाहमा समस्या

असोज १३, २०७८ बुधबार १९:२९:२३ | विमल बिष्ट

डोटी – जिल्ला प्रशासन कार्यालय डोटीमा महिनौँसम्म पनि प्रमुख जिल्ला अधिकारी (सीडीओ) र प्रशासकीय अधिकृत नपठाएका कारण सेवा प्रवाहमा कठिन हुँदै आएको छ । प्रमुख जिल्ला अधिकारी नहुँदा जिल्लामा विभिन्न सुरक्षासम्बन्धीका बैठक हुन सकेका छैनन् भने प्रशासकीय अधिकृत नहुँदा नागरिकता वितरणदेखि अन्य सिफारिसका काममा सेवाग्राहीलाई समस्या भएको छ ।

साथै प्रशासनमा तोकिएका अन्य दरबन्दीअनुसारका कर्मचारी नहुँदा समस्या भएको दिपायल सिलगढी नगरपालिका ५ का बासिन्दा रामबहादुर भण्डारीले बताउनुभयो । उहाँले भन्नुभयो, ‘जिल्ला प्रशासनमा नागरिकता वा राहदानीको सिफारिसका लागि जाँदा तोकिएका कर्मचारी नै भेटिँदैनन्, हामीलाई सारै समस्या भएको छ, हाम्रा पीडा कसले बुझ्ने ?’

डोटीमा कार्यरत प्रमुख जिल्ला अधिकारी सुनील खनाललाई गृह मन्त्रालयमा सरुवा गरिएपछि जिल्ला प्रशासन कार्यालय प्रमुखविहीन बनेको हो । प्रमुख जिल्ला अधिकारीको सरुवा भएपछि अहिले निमित्त प्रमुख जिल्ला अधिकारी किरण जोशीलाई तोकिएको छ । निमित्त प्रमुख जिल्ला अधिकारी जोशीले नागरिकता प्रदान, राहदानी सिफारिसदेखि अन्य विभिन्न प्रकारका सेवा प्रदान गर्नुपर्ने बाध्यता रहेको छ ।

कार्यालयमा महिनौँदेखि कर्मचारी अभावले सेवाग्राहीले सास्ती झेल्न बाध्य भएको खबर गृह मन्त्रालयमा जानकारी गराउँदा समेत प्रजिअ तथा अन्य कर्मचारी नपठाएको निमित्त प्रजिअ जोशीले बताउनुभयो ।

डोटीमा प्रमुख जिल्ला अधिकारीसहित २१ जनाको दरबन्दी रहेकामा अहिले १७ कर्मचारी कार्यरत छन् । कार्यरत कर्मचारीमध्ये केही कारागारमा पठाइएका कारण पनि सेवाग्राहीलाई समस्या भएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्