नयाँ पुस्ताकाे उत्साह र जाँगरलाई खेर जान दिन हुँदैन : सभामुख सापकाेटा

 असोज २८, २०७८ बिहिबार १९:४०:३४ | उज्यालो सहकर्मी
unn.prixa.net

फाइल फाेटाे

सिन्धुपाल्चाेक – प्रतिनिधि सभाका सभामुख अग्निप्रसाद सापकोटाले नयाँ पुस्ताकाे उत्साह र जाँगरलाई खेर जान नदिने बताउनुभएकाे छ । 

सिन्धुपाल्चोकको बलेफी गाउँपालिका ४ फुल्पीङडाँडामा फ्याफुल्ला क्लब भवनको उद्घाटन एवम् विजया दशमीको शुभकामना आदानप्रदान कार्यक्रममा आज बिहीवार पुग्नुभएका सभामुख सापकोटाले यस्ताे बताउनुभएकाे हाे ।  

खेल मैदानसहित सुविधा सम्पन्न दुई तले क्लब भवन निर्माणका लागि निर्वाचन विशेष कार्यक्रमअन्तर्गत सभामुखबाट २० लाख, वाग्मती प्रदेश सरकारबाट ३० लाख र गाउँपालिकाबाट पाँच लाखसहित ५५ लाख रुपैयाँमा सम्पन्न भएको बताइएको छ ।  

कार्यक्रममा बाेल्दै उहाँले कसैको दबाबमा परेर देश र नागरिककाे हित विपरीत काम नगर्ने बताउनुभयाे । सभामुख सापकोटाले दुई वर्षयता देशले कोभिड–१९, प्राकृतिक विपत्ति र राजनीतिक उतारचढावजस्ता सङ्कट बेहोर्नुपरेको चर्चा गर्दै ती सबैबाट क्रमशः पार पाउँदै गएको उल्लेख गर्नुभयो ।  

अन्तिम अपडेट: असोज २९, २०७८

तपाईको प्रतिक्रिया