सेनाकाे हेलिकप्टर अपुग, खाेज तथा उद्धारमा निजी हेलिकप्टर पनि प्रयाेग गरिने

कात्तिक ३, २०७८ बुधबार १४:३६:३८ | उज्यालो सहकर्मी

काठमाण्डाै – सरकारले बाढी, पहिरो र डुबानमा परेकाको खोज तथा उद्धारमा निजी हेलिकप्टर पनि प्रयोग गर्ने तयारी गरेको छ ।

अहिलेसम्म नेपाली सेनाको हेलिकप्टरले मात्रै उद्धार गरिरहेकामा अपुग हुने देखिएपछि निजी कम्पनीका हेलिकप्टर पनि प्रयोग गर्न लागिएको हो ।

गृह मन्त्रालयमा आज बुधवार बिहान गृह मन्त्री बालकृष्ण खाणको पहलमा गृह सचिव टेकनारायण पाण्डे, पर्यटन मन्त्रालयका सचिव यादवप्रसाद कोइराला, निजी वायु सेवा कम्पनीहरूको एसोसिएशनका प्रतिनिधिलगायतको बैठकमा सेनाको हेलिकप्टरले मात्रै विपदमा परेकाको खोज तथा उद्धारमा कठिन देखिएपछि निजी हेलिकप्टर प्रयोग गर्ने निर्णय गरेको हो ।

निजी वायु सेवा कम्पनीको एसोसिएशनका कार्यकारी निर्देशक कमलेशकुमार वर्माले सरकारले खोजेमा आफूहरू सेवा दिन तयार रहेको र निजी वायु सेवा कम्पनीसँग ३५ हेलिकप्टर भएको जानकारी दिनुभएको थियो ।

हेलिकप्टर कहाँ छन् भन्ने लोकेसन एसोसिएशनले गृह मन्त्रालयलाई उपलब्ध गराउने र गृहले आवश्यकताअनुसार खटाउने भएको छ । निजी हेलिकप्टर प्रयोग भएबापतको भुक्तानी गृह मन्त्रालयले दिनेछ ।

बैठकमा गृह मन्त्री खाणले राष्ट्रिय विपद्को सामना गर्दै नागरिकको जीवन रक्षा गर्न सरकार प्रतिबद्ध रहेको बताउनुभयो ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सेनाकाे हेलिकप्टर अपुग, खाेज तथा उद्धारमा निजी हेलिकप्टर पनि प्रयाेग गरिने

तस्बिर : शेरबहादुर सिंह/रासस, कञ्चनपुर

तपाईको प्रतिक्रिया